PNP, muling bubuhayin subpoena vs Dela Rosa-Balita

PNP, muling bubuhayin subpoena vs Dela Rosa

By Mc Vincent Mirabuna

May 14, 2026

Inihayag ng Philippine National Police (PNP) na muli nilang bubuhayin ang subpoena laban kay Sen. Ronald “Bato” dela Rosa matapos kumalat ang mga ulat na nakalabas na ang senador ng Senado kaninang madaling araw nitong Huwebes.

Matatandaang ni-recall at ni-hold ng PNP - Criminal Investigation and Detection Group (CIDG) ang nauna na nilang subpoena laban kay Dela Rosa noong Miyerkules, Mayo 13, bilang pagpapakita na rin daw ng respeto sa institusyon ng Senado alinsunod sa proteksyong ibinibigay nila sa nasabing senador.

“This is related to the instruction of the PNP chief and the CIDG director as a show of respect for the Senate as an institution in connection with the protection order they issued for Senator Bato dela Rosa,” ani PNP spokesperson Brig. Gen. Randulf Tuaño.

Samantala, ayon naman sa naging bagong pahayag ni Tuaño sa isinagawa nilang press conference nitong Mayo 14, sinabi niyang matutuloy raw nila ang subpoena kay Dela Rosa kung totoong nakaalis na ito ng Senado.

“Ang mangyayari po niyan… ipapagpatuloy na lang po ‘yong subpoena,” pagsisimula niya.

Paliwanag ni Tuaño, nangyari lamang daw na nirerespeto ng PNP ang polisiya ng Senado kaya nagawa nilang magbigay ng letter of recall of subpoena sa opisina ni Dela Rosa.

“Pero ang sinasabi nga po natin, nirerespeto po ng Philippine National Police ‘yong pong polisiya sa institusyon ng Senado kaya po ito ay hinold,” pagtatapos pa niya.

Habang sinusulat ito, wala pa naman lumalabas na bagong impormasyon kung nasaang lugar na ngayon si Dela Rosa.

Sa kabila ito ng inisyung warrant of arrest ng International Criminal Court (ICC) kay Dela Rosa bilang “co-perpetrator” umano ni dating Pangulong Rodrigo Duterte sa war on drugs noon.

Matatandaang nagkagulo sa Senado noong gabi ng Huwebes nang may marinig na sunod-sunod na mga putok ng baril ang media sa loob mismo ng tanggapan nito.

Base sa bagong impormasyong mula sa South Police District, kinilalang driver ng National Bureau of Investigation (NBI) ang nasa likod ng naganap na kaguluhan.

KAUGNAY NA BALITA: ‘I will not arrest him!’ Pagdating ni SILG Remulla sa Senado, ‘di para arestuhin si Sen. Bato!

KAUGNAY NA BALITA: 'Tulungan n'yo ako!' Sen. Bato, nakatanggap daw ng impormasyong aarestuhin na siya ng NBI, CIDG!

'God does not doubt me!' SP Cayetano, may talak sa bashers ng liderato niya

Nagbigay ng mensahe si Senate President Alan Peter Cayetano matapos siyang mahalal bilang bagong Senate President kasunod ng mga batikos ukol sa kaniyang kakayahang pamunuan ang Senado. Sa isang pahayag nitong Huwebes, Mayo 14, 2026, sinabi ni Cayetano na matagal na siyang nakararanas ng pagdududa mula sa ibang tao ngunit nananatili raw ang kaniyang pananampalataya at determinasyon sa pagtupad sa...

SP Cayetano sa pag-alis ni Sen. Dela Rosa sa Senado: 'There's no warrant. He's free to go'

Ayon kay Senate President Alan Peter Cayetano na hindi matatawag na 'escape' ang pag-alis ni Senador Ronald 'Bato' dela Rosa sa Senado kaninang 2:30 ng madaling araw nitong Huwebes, Mayo 14. Kaugnay na Balita: 'The Senate was under attack!' SP Cayetano, tinaasan ng boses nagtanong sa pamamaril sa Senado Ito ay matapos basahin ni Cayetano sa kaniyang press conference...

Brawner, pinagtanggol mga sundalo sa Senado; 'di raw nagpaputok ng baril!

Nilinaw ng Armed Forces of the Philippines (AFP) nitong Huwebes, Mayo 14, 2026 na walang sundalong sangkot sa insidente ng pagpapaputok ng baril sa loob ng Senado noong Miyerkules ng gabi, Mayo 13. Ayon kay AFP chief na si Romeo Brawner Jr., ang mga sundalong Marines na nakita sa mga video sa loob ng Senado ay nakatalaga lamang doon bilang bahagi ng kanilang regular na tungkulin sa pagbibigay ng...