'Ombudsman, kakasuhan 'di boboto sa impeachment'

'Ombudsman, kakasuhan 'di boboto sa impeachment'—Sen. Imee

By Mc Vincent Mirabuna

May 09, 2026

Isiniwalat ng Presidential sister na si Sen. Imee Marcos sa publiko na umano’y nakahanda raw magsampa ng kaso ang Office of the Ombudsman sa mga hindi bobotong mambabatas sa impeachment case laban kay Vice President Sara Duterte.

Matatandaang inaprubahan na ng House Committee on Justice noong Lunes, Mayo 4, 2026, sa botong 55-0 ang pagsusulong ng reports at articles ng impeachment laban kay VP Sara sa House plenary.

Sa House plenary, kinakailangang makakuha ng one-third na boto mula sa mga kongresista ang naturang impeachment case laban sa Bise bago ito tuluyang umakyat sa Senado.

Inaasahan ang botohan at plenaryo sa Kamara sa darating na Lunes, Mayo 11, 2026.

KAUGNAY NA BALITA: Konsensya n’yo na lang: Rep. Luistro, may paalala sa mga boboto sa impeachment!

Ayon naman sa naging pahayag ni Sen. Imee sa inupload niyang video statement sa kaniyang Facebook page nitong Sabado, Mayo 9, 2026, sinabi niyang may bago raw istilo ng pananakot sa mga miyembro ng Kamara na boboto sa impeachment case laban sa Bise Presidente.

“May bagong pananakot ngayon. Three letters na naman. Ang pangalan: Ombudsman, OMB,” pagsisimula niya.

Ani Sen. Imee, tila natatakot daw siya dahil kakasuhan daw ng Ombudsman ang mga hindi bobotong mambabatas sa impeachment laban kay VP Sara.

“Nakakatakot dahil kakasuhan ka raw kapag hindi ka bumoto para sa impeachment ni VP Sara. tama ba ‘yon? Nakakatakot talaga,” aniya.

Dagdag pa niya, “Maliban pa sa OMB, may DOJ pa, may NBI pa, may SEC pa. Sangkatutak na kaso ang uulan sa inyo ‘pag hindi kayo bumoto.”

Pagpapatuloy niya, tila hindi na raw niya maintindihan ang nangyayari sa bansa dahil daw sa mga bribery na nagaganap sa politika.

“Talaga may bribery na, may pananakot pa, ano ba ‘tong nangyayari sa bansa natin?” pagtatapos pa niya.

Samantala, habang sinusulat ito, wala pa namang inilalabas na pahayag, tugon, o reaksyon ang Office of the Ombudsman kung totoo nga ba ang isiniwalat na ito ng senador.

KAUGNAY NA BALITA:Congressmen na papabor sa impeachment, mababawasan boto sa eleksyon—Rep. Lorenz Defensor

OSG, tinanggap 'di pag-apruba ng Korte Suprema sa TRO ni Sen. Bato!

Tinanggap ng Office of the Solicitor General (OSG) ang naging desisyon ng Korte Suprema sa hindi pag-apruba sa petisyong temporary restraining order (TRO) ng kampo ni Sen. Ronald “Bato” dela Rosa kaugnay sa inisyung arrest warrant ng International Criminal Court (ICC). Matatandaang inanunsyo ng Korte Suprema sa isinagawa nilang press briefing noong Miyerkules, Mayo 20, 2026, ang nalikom...

Hindi nabasa ni Sen. Pia? Sen. Erwin, iginiit na nangumusta sila sa 'gc' noong Senate shooting

Sa gitna ng naging emosyonal na pahayag ni Sen. Pia Cayetano sa Senado kaugnay ng nangyaring putukan noong nakaraang linggo, pinabulaanan ni Sen. Erwin Tulfo ang sinabi ng senadora na wala umanong nangumusta sa kanila mula sa dating majority bloc matapos ang insidente. Sa kaniyang privilege speech, noong Miyerkules, Mayo 20, 2026, naging emosyonal si Cayetano at napaiyak habang ikinukuwento ang...

Anti-dynasty bill, pasado na sa 2nd reading sa Kamara!

Inaprubahan na ng House of Representatives sa ikalawang pagbasa ang panukalang batas na naglalayong pagbawalan ang magkakamag-anak hanggang second degree na sabay-sabay na humawak ng posisyon sa gobyerno. Sa pamamagitan ng voice vote, ipinasa ng mga mambabatas ang House Bill No. 8389 na nagtatakda ng limitasyon sa paghawak ng puwesto ng mga magkakapamilya sa pambansa at lokal na politika. Layunin...