Napa-lecture tuloy ang negosyante at social media personality na si Rosemarie Tan-Pamulaklakin o "Rosmar Tan" sa kahulugan ng Gen Z slang na "Ew" matapos siyang mag-react sa naging komento ng GMA artist na si Inah De Belen, sa pagkukumpara sa kaniya.
Ibinahagi kasi ni Inah sa kaniyang Instagram post ang isang larawan nila ng partner na si Jake Vargas, matapos silang maimbitahan sa Flores De Mayo sa Barangay Maysantol, Bulacan kung saan, nag-iwan naman ng komento ang isang netizen, na inakala raw niyang si Rosmar nga si Inah.
"Sorry po ha,, nagtataka ako bkt nanjan si jake vargaz,, akala ko talaga si rosmar kung dko nbasa pangalan nag 2 tingin pa ako ang mag jowa pala talaga,, ang ganda mo pati ng damit mo," mababasa sa komento ng netizen.
Mababasa naman ang komento rito ni Inah, "guys sino ba si rosmar hindi ko siya kilala."
Agad namang napa-search ang aktres sa internet world kung sino ang tinutukoy na si Rosmar, na hindi raw niya kilala.
Andrea Del Rosario, nagbiro sa mga may pic kasama si Bato: 'Lahat kayo for questioning daw!'
"Naresearch ko na siya plssss don't associate me with her ew," dagdag pa niya.
Sa isa pang komento ng netizen na magkamukha sila ni Rosmar, sinabi ni Inah na huwag nang banggitin ang pangalan ng social media personality, dahil nabubuwisit siya.
Nakarating naman kay Rosmar ang tungkol sa mga nasabi ni Inah, at sa pamamagitan ng social media posts, pinalagan niya si Inah at binuweltuhan siya.
Aniya, "Kung maka 'ew' ka naman sakin at di nya daw ako kilala. Nahiya naman ako sayo filipina actress nakalagay pero di din naman kita kilala. Mas maraming beses pa ata ako lumabas sa tv kesa sayo ante. Kung maka ew wagas inaano ka?"
Sa isa pang post, "Kung maka ew ka naman sakin. Mas mukha ka pa ngang mom of 3 sakin. At kung makasabi ka ng di mo ako kilala? Mas di kita kilala san ka lumabas? Hiyang hiya naman sayo ang 30M total foll0wers ko. Kala ko di mo ko kilala? Pero sasabihan mo ako ng ew at nakaka bwisit? Okay lang sana na di mo ako kilala pero anong ginawa ko sayo? Para sabihan mo ako ng EW? Starlet na di pa nga sikat attitude na agad. Pwe!"
Maki-Balita: Rosmar, binanatan si Inah De Belen: 'Starlet na di pa nga sikat attitude na agad. Pwe!!'
Samantala, ipinaliwanag naman ng ilang netizens na baka ang "ew" na ginamit ni Inah ay nangangahulugang "either way."
Narito ang ilang mga paliwanag ng netizens:
"either way kasi 'yon HAHAHAHAHAHA. 'don't associate me with her either way' in tagalog: 'huwag mo akong iugnay sa kanya sa anumang paraan' Baka yan po ang ibig nya sbhn."
"EW- either way po 'yan."
"Plss don't associate me with her either way (ew) Ay TANGA!"
"Ang EW ay EITHER WAY ang meaning po."
Kaya naman, ibinahagi ni Rosmar ang screenshots ng kaniyang pag-research sa internet sa kahulugan ng "EW."
Aniya, "Lecture muna tayo: Ang “either way” ay ginagamit kapag may dalawang diff scenarios na isa lang din maging result. Dun ginagamit ang either way. Tapos sasabihin nyo either way un?"
"Tapos kapag daw ewwwww dapat daw maraming “w”? Hindi daw dapat ew lang? Dapat daw ay ewwwww? Luh?"
"Lulusot kaya yan? Sige ipilit nyo. Convince nyo sarili nyo."
"So ano pala meaning ng 'BWISIT'? Baka acronym din un? HAHAHA," dagdag pa ni Rosmar.
Samantala, wala pang direktang reaksiyon, tugon, o pahayag si Inah tungkol dito.
Maki-Balita: Puksaang Inah vs. Rosmar: Gen Z slang na ‘EW,’ kadiri ba ang ibig sabihin?
