Palasyo, nagkomento sa pag-usad ng impeachment case vs VP Sara-Balita

Palasyo, nagkomento sa pag-usad ng impeachment case vs VP Sara

By Mc Vincent Mirabuna

April 30, 2026

Nagbigay ng komento ang Malacañáng tungkol sa naging pag-usad ng impeachment case laban kay Vice President Sara Duterte papunta sa plenaryo ng Kamara.

Matatandaang napagbotohan na ng mga miyembro ng House Committee on Justice sa isinagawa nilang pagdinig noong Miyerkules, Abril 29, 2026, na ilipat sa House plenary ang impeachment case laban kay VP Sara.

Matapos ito ng isinagawa nilang apat na pagdinig sa pagsusuri ng mga ebidensyang laban kay VP Sara mula noong Marso 25, Abril 14, Abril 22, at Abril 29, tungkol sa mga bank record, reklamo tungkol sa paglabag niya sa public trust, graft, at iba pa.

Sa House plenary, kinakailangang makakuha ng one-third na boto mula sa mga kongresista ang naturang impeachment case laban sa Bise bago ito tuluyang umakyat sa Senado.

Ayon naman sa naging pahayag ni Palace Press Officer at Presidential Communications Office (PCO) Usec. Claire Castro sa isinagawa niyang press briefing nitong Huwebes, Abril 30, sinabi niyang trabaho raw ng Kongreso ang magdesisyon kung itutuloy nila sa House plenary ang naturang impeachment case ng Bise.

“Iyan po ay trabaho ng Kongreso,” pagsisimula niya.

Ani Castro, nakita naman daw ng publiko ang resulta ng naging boto ng mga miyembro ng Komite ay batay sa nailatag na ebidensya laban kay VP Sara sa mga isinagawa nitong pagdinig.

“Kung nakita po natin ang boto dahil nakita naman nila sa pamamagitan ng kanilang hearing na naganap at may mga ebidensya na naipakita,” aniya.

Diin niya, naaayon naman daw ang naging desisyon ng Komite batay sa kanilang nasaksihang mga ebidensya upang iusad pa ang impeachment case laban sa Bise.

“So ang pagdedesisyon nila ay naaayon naman sa kanilang mga nasaksihan,” pagtatapos pa niya.

Samantala, habang sinusulat ito, wala pa namang inilalabas na pahayag, tugon, o reaksyon si VP Sara kaugnay sa naging pag-usad ng impeachment case laban sa kaniya.

KAUGNAY NA BALITA: Senado, may budget na ₱27M sa impeachment trial vs VP Sara—Sen. Lacson

KAUGNAY NA BALITA: 'She's not a thief!' Kitty, dinepensahan kapatid na si VP Sara

Sen. Kiko, di uurungan bantang ethics complaint ni Sen. Robin: 'Di uubra pasiga-siga sa akin!'

Mariing sinagot ni Sen. Kiko Pangilinan ang bantang pagsasampa ng ethics complaint laban sa kaniya ni Sen. Robin Padilla matapos ang mainit na palitan nila sa plenaryo ng Senado nitong Martes, Mayo 12. Sa isang pahayag, sinabi ni Pangilinan na sa matagal na niyang panunungkulan sa Senado at sa dami ng matitinding debate at sigawan sa plenaryo, ngayon lamang umano siya nakarinig ng ganitong uri ng...

Kamanggagawa party-list Rep. Eli San Fernando, bakit nag-yes sa impeachment ni VP Sara?

Ipinaliwanag ni Kamanggagawa party-list Rep. Eli San Fernando kung bakit kasama siya sa mga pumabor na maiakyat sa Senado ang impeachment ni Vice President Sara Duterte, na isinagawa sa House of Representatives noong Lunes, Mayo 11. Marami ang nagulat na nag-yes si San Fernando sa impeachment ni VP Sara, dahil sa akala ng marami, na nasa panig siya ng mga Duterte. Kabilang si San Fernando sa 257...

Sinigawan daw! Sen. Robin, tumangging makipagkamay kay Sen. Kiko

Hindi tinanggap ni Sen. Robin Padilla ang pakikipagkamay sa kaniya ni Sen. Kiko Pangilinan matapos magkainitan ang dalawa sa Senate plenary session nitong Martes, Mayo 12, matapos pagtalunan ang tungkol sa warrant of arrest laban kay Sen. Ronald 'Bato' Dela Rosa. Inilahad ni Padilla ang aniya’y magandang pagresponde ng Commission on Human Rights (CHR) sa inabot ni Sen. Bato matapos...