Usec. Castro, 'di pinaubra si Rep. Leviste sa bwelta kay PBBM-Balita

Usec. Castro, 'di pinaubra si Rep. Leviste sa bwelta kay PBBM

By Mc Vincent Mirabuna

April 21, 2026

Tila hindi nakaporma kay Palace Press Officer at Presidential Communications Office (PCO) Usec. Claire Castro ang naging patutsada ni Batangas 1st District Rep. Leandro Leviste tungkol sa personal na paglalabas ng mga ulat ni Pangulong Ferdinand “Bongbong” Marcos, Jr., na may kaugnayan sa pagkakaaresto kay dating Ako Bicol Partylist Rep. Zaldy Co.

Matatandaan kasing makailang ulit nang si PBBM mismo ang personal na nagbabalita sa publiko ng kalagayan ni Co mula sa pagkakahuli dito ng mga awtoridad ng Czech Republic noong Abril 16, 2026.

KAUGNAY NA BALITA: Zaldy Co, tiklo sa pagpasok sa Czech Republic—PBBM

Dahil dito, tila hindi napigilang maglabas ng pahayag ni Leviste sa kaniyang Facebook page noong Lunes, Abril 20, at sinabi niyang hindi raw dapat ang Pangulo mismo ang mag-ulat ng kalagayan ni Co.

Aniya pa, si PBBM daw kasi ang pangunahing itinuturo ni Co bilang umano’y utak ng maaanomalyang flood control projects sa Department of Public Works and Highways (DPWH).

“Hindi dapat si BBM ang mag-report sa pag-aresto kay Zaldy, lalo’t siya mismo ang itinuro ni Zaldy bilang mastermind ng flood control,” pagsisimula ni Leviste.

Diin pa niya, “Paano paniniwalaan ang proseso kung ang akusado ang nagpapaaresto sa nag-aakusa?”

Ayon naman sa naging tugon dito ni Castro sa isinagawa niyang press briefing nitong Martes, Abril 21, nagawa muna niyang kuwestiyonin kung sino raw ba ang tinutukoy ni Leviste na “akusado.”

“Sino po ang pinangangalanan niyang akusado?” pagsisimula ni Castro.

Sagot ng media kay Castro, “The President, I believe.”

Ani Castro, kailan pa raw napatunayang isang akusado si PBBM at si Leviste raw dapat ang tinatanong ng media tungkol sa nasaad niyang ito.

“Kailan po ba naging akusado ang Pangulo?” buwelta niya.

“Hindi po ba dapat kayo ang nagtatanong sa kaniya kung kailan naging akusado ang Pangulo,” pagtatapos pa ni Castro.

Samantala, habang sinusulat ito, wala pa namang inilalabas na bagong pahayag o tugon si Leviste kaugnay rito.

KAUGNAY NA BALITA: Sleepless night na, ina-anxiety pa!: Leviste, walang obligasyong bayaran, pero bukal sa loob ipagamot si Castro

KAUGNAY NA BALITA: Tinapatan! Usec. Castro, humingi ng ₱500M danyos kay Rep. Leviste

Congressmeow, balik-Kamara na; umaasang 'di na siya masuspinde!

Nagbigay ng pahayag si Cavite 4th district Rep. Kiko Barzaga kung sakaling tuluyan siya ng ma-expel or patawan ng ikatlong suspensyon sa muli niyang pagbabalik sa Kamara. Sa panayam ng media kay Barzaga nitong Lunes, Mayo 4, 2026, iginiit niyang magiging maayos naman daw ang kaniyang katayuan kung sakaling muli siyang masususpinde, ngunit iginiit niya ring umaasa siyang hindi na siya magkakaroon...

Erice, kinukumbinse si Mar Roxas na tumakbo sa 2028 presidential elections

Isiniwalat ni Caloocan City 2nd District Rep. Egay Erice na hinihikayat niya si dating senador at dating Department of Interior and Local Government (DILG) Secretary Mar Roxas na kumandidato sa darating na pampanguluhang eleksyon sa taong 2028. Sa pakikipanayam ni Erice sa media nitong Lunes, Mayo 4, naniniwala siyang si Roxas ay isang “qualified candidate” mula sa Liberal Party...

Rep. Diokno, sinagot kung bakit mahalaga ang impeachment sa gitna ng problema

Bumwelta si Akbayan Party-list Rep. Chel Diokno sa mga nagtatanong tungkol sa importansya ng pagdinig sa impeachment complaints laban kay Vice President Sara Duterte sa gitna ng mga suliraning kinakaharap ng Pilipinas gaya ng mababang pasahod, pagtaas ng presyo ng bilihin, at krisis sa langis na epekto ng sigalot sa Gitnang Silangan. Sa ginanap na pagdinig ng House Committee on Justice nitong...