DOJ, kumpyansang maibabalik si Zaldy Co sa bansa!-Balita

DOJ, kumpyansang maibabalik si Zaldy Co sa bansa!

By Mc Vincent Mirabuna

April 21, 2026

Inilahad sa publiko ni Department of Justice (DOJ) Sec. Fredderick Vida ang dahilan sa tila pagiging kumpyansa niya na maibabalik si dating Ako Bicol Partylist Rep. Zaldy Co sa Pilipinas.

Matatandaang muling naglabas ng pahayag si Pangulong Ferdinand “Bongbong” Marcos, Jr., noong Lunes, Abril 20, 2026, kaugnay sa sitwasyon ni Co sa kustodiya ng mga awtoridad ng Czech Republic.

Abril 16, 2026, naman nang kumpirmahin ng Pangulo ang papagkakaaresto ni Co dahil hindi raw ito pinayagang makapasok sa border ng Germany kaya muling pinabalik at nahuli ng mga awtoridad ng Czech.

Inihayag din ni PBBM na inutusan na raw niya ang DOJ at Department of Foreign Affairs (DFA) na manguna sa pakikipag-ugnayan sa mga awtoridad ng Czech upang mairaan sa maayos na proseso ang pagbabalik kay Co.

KAUGNAY NA BALITA: 'We will bring Zaldy Co home in accordance with the law!'—PBBM

Ayon naman sa naging pahayag ni Vida sa isinagawa niyang press conference nitong Martes, Abril 21, sinabi niyang kumpyansa daw siyang maibabalik si Co sa bansa dahil sa kinasasangkutan nitong anomalya sa korapsyon.

“Dahil ang ating hinahabol, ang ating pinipilit na mapauwi sa atin, ay naakusahan sa usapin ng korapsyon,” pagsisimula niya.

Diin ni Vida, alam daw kasi niyang hindi kukunsintihin ng Czech Republic si Co dahil hindi raw tinatangkilik ng nasabing bansa ang pag-iral ng korapsyon.

“Ito ay isang confidence na kapag tinanong ninyo sa atin, ‘Bakit confidence si Secretary Vida?’ Ito po ‘yong isang pinanghahawakan, kasi alam natin na sa Czech Republic, hindi nila kinukunsinti ang korapsyon,” diin niya.

“Hindi rin sila papayag na masasawata ‘yong objective na mapanagot ‘yong dapat na mapanagot dahil nanaguan lang sa ibang bansa. Kinikilala ito ng iba pang mga bansa,” pagtatapos pa niya.

Samantala, habang sinusulat ito, wala pa namang inilalabas na pahayag, tugon, o reaksyon ang kampo ni Co kaugnay sa pagkakaaresto sa kaniya.

KAUGNAY NA BALITA: Zaldy Co, tiklo sa pagpasok sa Czech Republic—PBBM

Trillanes, inanyayahang dumalo sa impeachment hearing sa Abril 22!

Inaasahan ng House Committee on Justice na makakadalo sa kanilang kasunod na pagdinig si dating senador Antonio “Sonny” Trillanes IV sa darating na Miyerkules, Abril 22, 2026. Ayon sa lumabas na mga ulat nitong Martes, Abril 21, batay sa dokumentong ipadala ng House Committee on Justice kay Trillanes, mababasang direktang inatasan ng Komite ang huli na dumalo sa kanilang pagdinig na...

Buwelta ng Palasyo kay Harry Roque sa pagkakatiklo kay Zaldy Co: 'Bakit natin paniniwalaan ang isang fake news peddler?'

Pinalagan ng Malacañang ang mga pahayag ni dating presidential spokesperson Harry Roque kaugnay sa umano’y pagkakaaresto kay dating Ako Bicol Party-list Rep. Zaldy Co sa Czech Republic kamakailan. Ayon kasi kay Roque, hindi raw totoong natiklo si Co sa Czech Republic. “Fake news alert: Zaldy has not been arrested. No Filipino was apprehended in Prague. Bakit Presidente pa ang nagkakalat?”...

Carlito Galvez, Jr. isiniwalat rason ng pagbibitiw bilang kalihim ng OPAPRU

Kinumpirma na ni Carlito Galvez, Jr. ang pagbibitiw niya bilang kalihim sa Office of the Presidential Adviser on Peace, Reconciliation, and Unity (OPAPRU). Matatandaang nauna nang inanunsiyo ni Palace Press Officer at Presidential Communication Office Usec. Claire Castro ang tungkol dito. Sa latest Facebook post ng OPAPRU nitong Martes, Abril 21, sinabi ni Galvez, Jr. ang rason sa likod ng...