'We will bring Zaldy Co home in accordance with the law!'

'We will bring Zaldy Co home in accordance with the law!'—PBBM

By Mc Vincent Mirabuna

April 20, 2026

Muling naglabas ng pahayag si Pangulong Ferdinand “Bongbong” Marcos, Jr., kaugnay sa sitwasyon ni dating Ako Bicol Partylist Rep. Zaldy Co sa kustodiya ng mga awtoridad ng Czech Republic.

Matatandaang ang Pangulo rin mismo ang nagkumpirma sa pagkakaaresto ni Co sa pamamagitan ng paglalabas niya ng pahayag sa kaniyang Facebook post noong gabi ng Huwebes, Abril 16, 2026.

Aniya, hindi pinayagang makapasok sa border ng Germany si dating Ako Bicol Partylist Rep. Zaldy Co kaya raw pinabalik at nahuli ng mga awtoridad ng Czech Republic.

KAUGNAY NA BALITA: Zaldy Co, 'di pinapasok ng Germany kaya natiklo ng Czech—PBBM

Ayon naman sa inilabas na bagong video statement sa kaniyang Facebook page nitong Lunes, Abril 20, sinabi niyang nananatili pa rin si Co sa kustodiya ng mga awtoridad ng Czech Republic.

Aniya pa, ginagawa daw nila ang lahat ng kinakailangang hakbang upang maibalik si Co sa bansa.

“Nananatili po siya sa kustodiya ng Czech Republic at isinasagawa natin ang lahat ng mga kinakailangang hakbang para sa kaniyang pagbalik dito sa Pilipinas,” pagsisimula niya.

Ani PBBM, inutusan na raw niya ang Department of Justice (DOJ) at Department of Foreign Affairs (DFA) na manguna sa pakikipag-ugnayan sa mga awtoridad ng Czech upang mairaan sa maayos na proseso ang pagbabalik kay Co.

“Inutusan ko ang Department of Justice kasama ang Department of Foreign Affairs na pangunahan ang pakikipag-ugnayan sa mga awtoridad ng Czech Republic upang matiyak na maayos at naaayon sa proseso ang lahat ng kinakailangan,” saad niya.

Dagdag pa niya, Magpapadala rin ng high-level coordination team upang tutukan ito.”

Pagpapatuloy ni PBBM, may mga sinusunod daw kasing legal na hakbang sa pagitan ng mga bansa ang ganitong mga kasong kagaya ng kay Co kaya nangangailangan daw sila ng panahon upang maisagawa nang tama ang kanilang tungkulin.

“Ang ganitong mga proseso ay may sinusunod na mga legal na hakbang sa pagitan ng mga bansa kaya’t nangangailangan ng sapat na panahon upang maisagawa ng tama,” ‘ika niya.

Diin pa ng Pangulo, ibabalik nila si Co sa Pilipinas nang naaayon sa batas at magsasalita ang dating mambabatas para sa lahat ng Pilipino.

“We will bring Zaldy Co home and we will do so in accordance with the law. He will answer to the Filipino people,” pagtatapos pa niya.

KAUGNAY NA BALITA: Zaldy Co, tiklo sa pagpasok sa Czech Republic—PBBM

Malalakas na bagyong dulot ng habagat, Super El Niño posible sa Hunyo hanggang Agosto!—PAGASA

Posible umanong makaranas ng malalakas na bagyo ang Pilipinas mula Hunyo hanggang Agosto ayon sa Philippine Atmospheric, Geophysical and Astronomical Services Administration (PAGASA) kaya pinaghahanda na ang publiko hinggil dito. Ayon sa PAGASA, sa ulat naman ng '24 Oras' ng GMA Network, posibleng mabuo ang malalakas na bagyong ito sa pagsasanib-puwersa ng habagat at Super El Niño....

'Nagsagip sa mga buhay sa Senado!' Sen. Robin, ibinida si Mao Aplasca

Nagbigay ng matinding depensa si Sen. Robin Padilla para kay Sergeant-at-Arms Mao Aplasca kasunod ng naganap na kaguluhan sa Senado noong nakaraang linggo. Sa isang Facebook post, iginiit ni Padilla na si Aplasca umano ang naging dahilan upang maiwasan ang mas malalang insidente at pagkawala ng buhay sa loob at labas ng Senado. “Ang taong ito ang nagsagip sa mga buhay ng nasa loob at labas ng...

'Lord heal our land!' SP Alan, Sen. Mark, Sen. Jinggoy pinag-pray over ng bishop

Ibinahagi ni Bishop Oriel Ballano ang naging pagbisita niya sa Senado kung saan ipinagdasal niya ang ilang mga senador, nitong Martes, Mayo 19. Sa kaniyang social media post, sinabi ni Ballano na nagtungo sila ng kaniyang mga kasamang pastor sa Senate House upang dalawin at ipanalangin si Senate President Alan Peter Cayetano, gayundin ang dalawa pang senador na sina dating Senate President Pro...