Buwelta ng Palasyo kay Harry Roque sa pagkakatiklo kay Zaldy Co: 'Bakit natin paniniwalaan ang isang fake news peddler?'-Balita

Buwelta ng Palasyo kay Harry Roque sa pagkakatiklo kay Zaldy Co: 'Bakit natin paniniwalaan ang isang fake news peddler?'

By Vincent Gutierrez

April 21, 2026

In BALITA National

Pinalagan ng Malacañang ang mga pahayag ni dating presidential spokesperson Harry Roque kaugnay sa umano’y pagkakaaresto kay dating Ako Bicol Party-list Rep. Zaldy Co sa Czech Republic kamakailan.

Ayon kasi kay Roque, hindi raw totoong natiklo si Co sa Czech Republic.

“Fake news alert: Zaldy has not been arrested. No Filipino was apprehended in Prague. Bakit Presidente pa ang nagkakalat?” saad ni Roque sa kaniyang Facebook post kamakailan.

Buwelta naman ng Palasyo, bakit naman daw paniniwalaan ang isang anila’y fake news peddler, gayong nagsalita na mismo si Pangulong Ferdinand “Bongbong” Marcos Jr. at Department of Justice (DOJ) Sec. Fredderick Vida kaugnay sa pagkakaaresto kay Co.

“Ang Pangulo po ay nagsalita na, si Secretary Vida ay nagsalita na rin… So, bakit po ba natin paniniwalaan ang fake news peddler?” saad ni Presidential Communications Office (PCO) Undersecretary at Palace Press Officer Atty. Claire Castro sa press briefing ng PCO nitong Martes, Abril 21.

Sinagot din ni Castro ang mga tanong kung bakit wala pa umanong litrato o kahit anong video na magpapakita hinggil sa kasalukuyang estado ng dating solon.

“Kasi mayroon pong ibang country na involved. So, maingat po ang gobyerno sa pagbibigay ng anumang anunsyo,” anang press officer.

“Hayaan na lamang po natin na magtrabaho ang ating gobyerno,” dagdag ni Castro.

Samantala, kumpiyansa naman ang DOJ na maiiuwi si Co sa Pilipinas.

“Dahil ang ating hinahabol, ang ating pinipilit na mapauwi sa atin, ay naakusahan sa usapin ng korapsyon. Ito ay isang confidence na kapag tinanong ninyo sa atin, ‘Bakit confidence si Secretary Vida?’ Ito po ‘yong isang pinanghahawakan, kasi alam natin na sa Czech Republic, hindi nila kinukunsinti ang korapsyon,” saad ni Vida sa isang press briefing nito ring Martes, Abril 21.

MAKI-BALITA: DOJ, kumpyansang maibabalik si Zaldy Co sa bansa!

Matatandaang inanunsyo ni PBBM kamakailan na nahuli si Co sa Czech Republic matapos umano itong hindi payagang makapasok sa bansang Germany.

MAKI-BALITA: Zaldy Co, 'di pinapasok ng Germany kaya natiklo ng Czech—PBBM

Sey ng NBI: 'Fugitive Senator Dela Rosa will be arrested whether he likes it or not'

Inihayag ng National Bureau of Investigation (NBI) na aarestuhin nila si Senador Ronald 'Bato' Dela Rosa, kasunod ng go signal mula sa Department of Justice (DOJ) tungkol sa arrest warrant ng International Criminal Court (ICC) laban sa senador, Huwebes, Mayo 21. Matatandaang kinumpirma ni DOJ Spokesperson Atty. Polo Martinez na may hiling na ang ahensya para sa Red Notice sa Interpol...

'Sino ba 'to?' Sen. Robin, may makahulugang post tungkol sa 'Tarat'

Isang makahulugang post ang ibinahagi ni Senador Robin Padilla na tungkol sa isang ibon na 'Tarat.' 'May Isang Tarat na dati ay nahawla, Ayaw na pakawalan ng umangkin sa kanya pero dahil may mga nakiusap para mapalaya ang tarat na ito,muli siyang nakabalik sa kanyang pugad,' saad ni Padilla sa kaniyang Facebook post nitong Huwebes, Mayo 21. 'Kakaiba ang tarat na ito...

'We will comply!' SILG Remulla, kikilos na sa pag-aresto kay Sen. Bato

Iginiit ni Department of the Interior and Local Government (DILG) Sec. Jonvic Remulla na handang sumunod ang kanilang ahensya sa pagpapatupad ng warrant of arrest na inilabas ng International Criminal Court (ICC) laban kay Sen. Ronald “Bato” dela Rosa. “The DILG will adhere to its mandate. If the lawful authorities have given validity to the warrant then we will comply and enforce,” ayon...