Flood control scandal, 'di nililimutan ng gobyerno

Flood control scandal, 'di nililimutan ng gobyerno—Usec. Castro

By Mc Vincent Mirabuna

April 17, 2026

Nagbigay ng paalala si Palace Press Officer at Presidential Communications Office (PCO) Usec. Claire Castro sa publiko na hindi raw totoong kinalimutan na ng gobyerno ang usaping tungkol sa mga maaanomalyang flood control projects sa bansa.

Matatandaang si Pangulong Ferdinand “Bongbong” Marcos, Jr., mismo ang nagkumpirma sa publiko noong Huwebes, Abril 16, 2026, sa pagkakaaresto ng mga awtoridad ng Czech Republic kay dating Ako Bicol Partylist Rep. Zaldy Co.

Aniya, kasalukuyan nang nakakulong si Co sa Prague matapos umano itong tumawid sa Czech Republic nang wala umanong tamang dokumento.

KAUGNAY NA BALITA: Zaldy Co, tiklo sa pagpasok sa Czech Republic—PBBM

Ayon naman sa isinagawang press briefing ni Castro sa RDC Hall of the Department of Economy, Planning, and Development (DEPDev) Region VI (Western Visayas) sa Iloilo City nitong Biyernes, Abril 17, sinabi niyang bunga ng paninindigan ng Pangulong mapanagot ang mga sangkot sa nasabing anomalya.

“Nahuli na si Zaldy Co. Bunga ito ng matibay na paninindigan ni Pangulong Ferdinand R. Marcos, Jr., na mapanagot at makulong ang sinomang sangkot sa maanomalyang flood control projects sa bansa,” pagsisimula niya.

Dagdag pa niya, “Batay sa pinakahuling ulat, hinarang si Zaldy Co sa German border at ibinalik sa mga awtoridad sa Czech Republic kung saan siya nanggaling.”

KAUGNAY NA BALITA: Zaldy Co, 'di pinapasok ng Germany kaya natiklo ng Czech—PBBM

Diin ni Castro, nais daw niyang ipaalala sa publiko na hindi nalilimutan ng gobyerno ang usapin tungkol sa flood control projects anomalies.

“Nais lang po nating ipaalala sa mga nagsasabing kinalimutan na ang flood control scandal, hindi po ‘yan totoo,” pagtitiyak niya.

Pagpapatuloy niya, nananatili raw ang pagkilos ng gobyerno at susundin nito ang utos ng Pangulo na mapanagot ang lahat ng dapat managot sa nasabing anomalya.

“Ang pagkilos ng gobyerno, ang utos ng Pangulo, ay nananatili. Managot ang dapat na managot,” pagtatapos pa niya.

KAUGNAY NA BALITA: Zaldy Co, 1-3 linggo bago makabalik sa Pinas—SILG Remulla

Congressmeow, balik-Kamara na; umaasang 'di na siya masuspinde!

Nagbigay ng pahayag si Cavite 4th district Rep. Kiko Barzaga kung sakaling tuluyan siya ng ma-expel or patawan ng ikatlong suspensyon sa muli niyang pagbabalik sa Kamara. Sa panayam ng media kay Barzaga nitong Lunes, Mayo 4, 2026, iginiit niyang magiging maayos naman daw ang kaniyang katayuan kung sakaling muli siyang masususpinde, ngunit iginiit niya ring umaasa siyang hindi na siya magkakaroon...

Erice, kinukumbinse si Mar Roxas na tumakbo sa 2028 presidential elections

Isiniwalat ni Caloocan City 2nd District Rep. Egay Erice na hinihikayat niya si dating senador at dating Department of Interior and Local Government (DILG) Secretary Mar Roxas na kumandidato sa darating na pampanguluhang eleksyon sa taong 2028. Sa pakikipanayam ni Erice sa media nitong Lunes, Mayo 4, naniniwala siyang si Roxas ay isang “qualified candidate” mula sa Liberal Party...

Rep. Diokno, sinagot kung bakit mahalaga ang impeachment sa gitna ng problema

Bumwelta si Akbayan Party-list Rep. Chel Diokno sa mga nagtatanong tungkol sa importansya ng pagdinig sa impeachment complaints laban kay Vice President Sara Duterte sa gitna ng mga suliraning kinakaharap ng Pilipinas gaya ng mababang pasahod, pagtaas ng presyo ng bilihin, at krisis sa langis na epekto ng sigalot sa Gitnang Silangan. Sa ginanap na pagdinig ng House Committee on Justice nitong...