Nanindigan si International Career Support Association Representative Shunichi Fujiki sa United Nation Human Rights Council (UNHRC) na dinala umano si dating Pangulong Rodrigo Duterte sa The Hague, Netherlands nang hindi dumadaan sa due process at malinaw umano itong paglabag sa national sovereignty ng Pilipinas.
Ayon sa isinagawang ika-61 na sesyon ng UNHRC noong Marso 11, 2026, sinabi ni Fujiki na hindi rin daw dumaan sa lokal na mga korte ng Pilipinas ang desisyong pagdadala sa The Hague, Netherlands kay FPRRD upang sumailalim sa pretrial ng International Criminal Court (ICC).
“The current administration extradited him without due process, bypassing Philippine court, and violating national sovereignty. He was extradited without any due process and no local court,” saad niya.
Paglalahad ni Fujiki, eksaktong isang taon na raw ang nakalipas at patuloy na nagtitiis ang dating Pangulo sa detention center ng ICC, malayo sa pamilya, at iniinda umano’y malubha nitong kalusugan.
“Incidentally, on March 11, 2025, exactly one year ago today, this elderly leader endured detention, separated families, and serious health issues,” aniya.
Libreng sakay para sa solo parents, aarangkada hanggang Abril 18
Pagpapatuloy niya, umaapela raw ang lahat ng sumusuporta sa dating Pangulo sa buong mundo na payagan ang apela nitong pansamantalang paglaya, sa kabila ng pagbasura ng International Criminal Court (ICC) sa kahilingang ito nang tatlong beses.
“Global… and protests in The Hague and throughout the world demand the interim release which has been unlawfully denied by the ICC three times,” saad niya.
Matapos nito, mariing nanawagan si Fujiki sa konseho ng UN na tingnan ang kasong kinakaharap ni FPRRD sa ICC at mabigyan ito ng pansamantalang paglaya.
“We urge this council to denounce humanitarian review and interim release of President Duterte. Justice must be fair, not a weapon against the people,” tindig niya.
“The majority of the Filipino voice will not be silenced and depressed,” pagtatapos ni Fujiki.
KAUGNAY NA BALITA: Atty. Kaufman, binira umano'y pangakong 'di tutulong sa ICC ni PBBM
KAUGNAY NA BALITA: ICSA Rep. Shunichi Fujiki, umapela sa UN Council na makalaya si FPRRD
KAUGNAY NA BALITA: TIMELINE: Unang anibersaryo mula sa pagtugis ng ICC kay FPRRD hanggang sa pagdinig ng confirmation of charges
