Kinilala ang Mactan-Cebu International Airport (MCIA) bilang Airport of the Year in Asia sa 2025 TDM Travel Trade Excellence Awards, matapos itong magpatupad ng mas mabilis na minimum connection time (MCT) na kabilang sa pinakamabilis sa rehiyon.

Sa pahayag nitong Miyerkules, Nobyembre 26, 2025, sinabi ng MCIA operator na Aboitiz InfraCapital Cebu Airport Corporation (ACAC) na ang parangal ay pagkilala sa CEBConnects facility, na nagbaba ng domestic-to-domestic MCT sa 35 minuto mula 60 minuto. Ibinaba rin sa 60 minuto ang MCT para sa domestic-to-international, international-to-domestic, at international-to-international transfers.

“By strategically leveraging Cebu’s central geographical location, we are not just speeding up transfers; we are actively supporting the country’s tourism goals by making it easier for travelers to reach other island destinations. With this, the vacation experience actually begins the moment they arrive at MCIA,”ani  ACAC chief executive officer Athanasios Titonis.

Matatandaang noong 2024, nakuha ng Aboitiz InfraCapital Inc. ang pamamahala sa MCIA matapos bilhin ang shares ng Megawide Construction Corp. sa GMR-Megawide Cebu Airport Corp. (GMCAC) — ang may hawak ng 25-year concession para sa development at maintenance ng MCIA — sa halagang ₱7.76 bilyon.

Internasyonal

Kamala Harris sa pag-atake ng US sa Venezuela: 'It is about oil!'

“The improvements driven by CEBConnects are a game-changer for airline operations and customer experience,” ani Mactan-Cebu International Airport Authority (MCIAA) general manager and chief executive officer Julius Neri Jr.

Dagdag pa niya, “The real-time benefits in on-time performance that we see enhances the transfer experience of our passengers who now find MCIA a highly competitive and reliable hub for regional travel.”

Sa kasalukuyan, ang MCIA ay may hawak na 25 airline partners at may average on-time performance na halos 80%.