Inalmahan ni International Criminal Court (ICC) assistant legal to counsel Atty. Kristina Conti ang naging pahayag ni Vice President Sara Duterte na, “bobo” raw ang abogado ng mga namatay war on drugs ng kaniyang ama na si dating Pangulong Rodrigo Duterte.

Sa isang Facebook post noong Sabado, Marso 29, 2025, sinabi ni Conti na bagama’t marami umano ang puwedeng makumbinsi ni VP Sara sa kaniyang pahayag, hindi raw kasama rito ang korte. 

“VP Sara Duterte’s opinion that the case against her father Rodrigo Duterte will fall on the failure to produce the names of 30,000 dead is interesting. VP Sara has an incredible platform and huge opportunity to raise the level of the discussion to more than this. This is a simplistic view that may convince some, but unfortunately, not the court, ani Conti.

Matatandaang noong Sabado rin nang igiit ng Pangalawang Pangulo sa panayam sa kaniya ng media na hindi raw mapatunayan ng ilang nagsasabing 30,000 ang nasawi sa naturang madugong kampanya ng kaniyang ama.

National

Kitty Duterte, ibinahagi latest na mensahe ni FPRRD sa kanilang pamilya

“You have to prove that there were 30,000 victims. So, how can you prove systematic killings of 30,000 victims if you do not have the names of 30,000 victims…So, where is the system there of killing thousands? Sorry, bobo yung abugado nila,” ani VP Sara. 

Nilinaw naman ni Conti sa kaniyang post kung paano pinagbabatayan ng ICC ang kaso ng isang indibidwal na nahaharap sa kasong crimes against humanity, bagama’t nauna na ring igiit ng ICC na pawang nasa 43 katao lamang ang nasawi sa war on drugs ng dating Pangulo, taliwas sa libo-libong bilang na nasawi sa kasong isinampa laban sa kaniya. 

KAUGNAY NA BALITA: Unang pagharap ni Duterte sa ICC Pre-Trial Chamber, bahagi ng due process na ipinagkait sa war on drugs victims

“The ICC in the judgment in the case Prosecutor v. Bemba dated March 21, 2016, reinforced jurisprudence of the Court that “the term ‘widespread’ connotes the large-scale nature of the attack and the large number of targeted persons, and that such attack may be ‘massive, frequent, carried out collectively with considerable seriousness and directed against a multiplicity of victims’,” saad ni Conti.

Dagdag pa ni Conti, umaasa raw siya na makadiskurso si VP Sara maging ang ilang Duterte supporters tungkol sa kaso ni dating Pangulong Duterte.

“I had expected Rodrigo Duterte’s defense to be more sophisticated and sagacious, considering the amount of money their camp is spending on lawyers. I look forward to better and sharper discourse with VP Sara, as well as Duterte supporters,” aniya.

Pahaging pa ni Conti, “But I try to never argue with idiots, because as Mark Twain said, they will drag you down to their level and beat you with experience.”

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD