Tinatayang 27.2% ng mga pamilyang Pilipino ang nakaranas ng “involuntary hunger” nitong Marso 2025, kung saan ito ang naitalang pinakamataas mula noong panahon ng Covid-19 pandemic noong Setyembre 2020, ayon sa Social Weather Stations (SWS).

Base sa survey na inilabas ng SWS nitong Sabado, Marso 29, 27.2% ng mga pamilyang Pilipino ang nakaranas ng hindi bababa sa isang beses na pagkagutom dahil walang makain sa nakalipas na tatlong buwan.

Anang SWS, 6 puntos na mas mataas ang naturang datos kung ikukumpara sa 21.2% na naitala noong Pebrero 2025, at pinakamataas na naitala mula sa 30.7% noong Covid-19 pandemic noong Setyembre 2020.

“It is 7.0 points above the 2024 annual hunger average of 20.2% after rising for two consecutive months from 15.9% in January 2025,” dagdag ng SWS.

National

Gloria Arroyo, inilahad pinagdadanan ng kaniyang pamilya: ‘Please pray for my family’

Pagdating sa mga rehiyon ng bansa, pinakamataas daw ng populasyon nakaranas ng “involuntary hunger” ang Visayas na may 33.7%, sumunod ang Metro Manila sa 28.3%, Mindanao sa 27.3%, at Balance Luzon (o Luzon sa labas ng Metro Manila) sa 24.0%.

“The 6.0-point rise in hunger between February 2025 and March 2025 was due to increases in the Visayas, Balance Luzon, and Mindanao, combined with a steady score in Metro Manila,” anang SWS.

“Compared to February 2025, the incidence of hunger rose by 13.7 points from 20.0% in the Visayas, 4.9 points from 19.1% in Balance Luzon, and 4.0 points from 23.3% in Mindanao. However, it hardly moved from 27.3% in Metro Manila,” dagdag pa nito.

Isinagawa ng SWS ang naturang survey mula Marso 15 hanggang 20, 2025 sa pamamagitan ng face-to-face interviews sa 1,800 registered voters sa bansa na 18-anyos pataas ang edad.