PBBM pinangunahan concert para sa FIVB world championship countdown-Balita

Bilang pagsuporta sa nakatakdang 2025 FIVB Men’s Volleyball World Championship na idadaos sa bansa mula Setyembre 12-18, 2025, nag-organisa ng konsyerto si Pangulong Ferdinand “Bongbong” Marcos kasama ang ilang mga opisyal nitong Linggo ng gabi, Setyembre 15, 2024 sa Kalayaan Grounds sa Malacañang Palace.

Tinawag na “PH to serve: A concert for the One-Year countdown,” ang nasabing concert na dinaluhan ng Alas Pilipinas Men’s at Women’s team kasama ang ilang opisyales ng Philippine National Volleyball Federation (PNVF) gayundin ang ilang senador at miyembro ng gabinete.

Kabilang din sa mga dumalo sa nasabing concert ay sina PNVF Chairman Emeritus at senador Alan Peter Cayetano, Sen. Juan Miguel Zubiri, Sen. Sherwin Gatchalian, ilang miyembro ng gabinete na sina Executive Secretary Lucas Bersamin, Bienvenido Laguesma ng Department of Labor and Employment (DOLE), Maria Esperanza Christina Frasco ng Department of Tourism (DOT) at Amenah Pangandaman ng Department of Budget and Management (DBM).

“It is really unbelievable, and I did not expect this concert for the World Championship. We never expect this. The commitment and the effort of the government are extraordinary. We would like to thank the First Lady, Vinnie, and the President for this,” ani Tats Suzara, Presidente ng PNVF.

Binigyan ni International Volleyball Federation (FIVB) general director Fabio Azevedo si PBBM ng isang volleyball upang opisyal na i-turnover ang ‘hosting duty’ sa bansa. Kasabay din nito ang pagtanggap ng Pangulo ng regalo na isang painting na obra ng isang Olympian decathlete mula sa Slovakia.

Samantala, matatandaang noong Sabado, Setyembre 14, 2024 nang mag-drawlots ang FIVB para sa pooling ng bawat koponan kung saan kabilang sa POOL A ang Alas Pilipinas at nakatakdang makipagsabayan sa mga bansa mula sa Iran, Egypt at Tunisia.

KAUGNAY NA BALITA: Alas Pilipinas Men’s team raratsada sa 2025 FIVB world championship

Kate Garcia

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...