Sen. Bato, baka hindi makadalo sa SONA ni PBBM: 'Masakit tuhod ko eh!'

By Mary Joy Salcedo

July 13, 2024

In BALITA National

Ipinahayag ni Senador Ronald “Bato” dela Rosa na may posibilidad na hindi siya makadalo sa State of the Nation Address (SONA) ni Pangulong Ferdinand "Bongbong" Marcos Jr. dahil masakit daw ang tuhod niya.

Sa panayam ng “Ted Failon at DJ Chacha sa Radyo5” ng News5, tinanong ni Failon si Dela Rosa kung dadalo ito sa SONA sa Hulyo 22, 2024.

“Titingnan ko. Masakit ‘yung tuhod ko eh. Titingnan ko kung maka-attend ako,” anang senador saka tumawa.

Nang itanong naman ni Failon kung nagbibiro ba ito o seryoso, sinabi ni Dela Rosa: “Medyo seryoso kasi masakit ‘yung tuhod ko. Baka hindi ako makalakad-lakad doon sa loob. Titingnan ko lang din ha, titingnan ko. Kung hindi, baka hindi ako maka-attend.”

Samantala, inusisa muli ni Failon kung wala raw bang itinatalagang “designated survivor” ang senador.

Tumawa naman si Dela Rosa saka sinabing: “Magtrabaho lang tayo rito. Magtrabaho lang tayo. ‘Yun lang gawin natin.”

Ang “Designated Survivor” ay isang Netflix thriller series na umere mula 2016 hanggang 2019.

Kaugnay nito, matatandaang sinabi ni Vice President Sara Duterte noong Huwebes, Hulyo 11, na itinatalaga niya ang kaniyang sarili bilang “designated survivor” nang ianunsyo niyang hindi siya dadalo sa SONA ni Marcos.

"I will not attend the SONA... I am appointing myself as the designated survivor,” ani Duterte.

MAKI-BALITA: VP Sara, hindi dadalo sa SONA ni PBBM

PBBM, naiilang kapag pinapasalamatan sa ibinibigay na serbisyo: 'Hindi ko pera 'yan!'

Nagbigay ng reaksiyon si Pangulong Ferdinand “Bongbong” Marcos, Jr. sa birthday message ng isang netizen para sa kaniya.Sa latest vlog kasi ng pangulo nitong Linggo, Setyembre 22, ay tampok ang mga birthday greet na natanggap niya mula sa iba’t ibang ospital.At kasama sa mga naitampok ay ang komento ng isang netizen tungkol sa mga programa ng pangulo sa healthcare ng bansa. “Still...

Kiko sa pagtakbong senador: 'Inaalay ko nang buong tapang, buong puso para sa bayan!'

Nagpasalamat si dating senador at vice presidential aspirant Atty. Kiko Pangilinan sa Partido Liberal ng Pilipinas (PLP) sa tiwalang ibinigay sa kaniya upang maging kinatawan ng partido para sa pagkasenador sa darating na midterm elections.Nanumpa na si Atty. Kiko sa isang programang isinagawa ng Liberal Party noong Setyembre 20, na ibinahagi niya ang talumpati sa kaniyang social media...

Davao Oriental, niyanig ng 4.8-magnitude na lindol

Niyanig ng magnitude 4.8 na lindol ang probinsya ng Davao Oriental nitong Linggo ng hapon, Setyembre 22, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 4:22 ng hapon.Namataan ang epicenter nito 122 kilometro ang layo sa timog-silangan ng Governor Generoso, Davao Oriental, na may lalim na 71...