Pag-aresto kina Guo, isang hakbang para masiguro kaligtasan ng PH -- Gatchalian

By Mary Joy Salcedo

July 13, 2024

In BALITA National

Ipinahayag ni Senador Win Gatchalian na isang hakbang ang pag-aresto kay suspended Bamban, Tarlac Mayor Alice Guo at pito pa nitong mga kasamahan para masigurado umano ang kaligtasan ng bansa.

Matatandaang nito lamang Sabado, Hulyo 13, nang maglabas ang Senado ng arrest order laban kay Guo dahil sa hindi nito pagdalo sa mga pagdinig ng Committee on Women, Children, Family Relations and Gender Equality noong Hunyo 26, 2024 at Hulyo 10, 2024, kaugnay ng na-raid na Philippine Offshore Gaming Operator (POGO) hub sa Bamban.

Bukod sa suspendidong alkalde ay inihain din ang arrest order laban kina Dennis Cunanan, Nancy Gamo, Sheila Guo, Wesley Gui, Jian Zhong Go, Seimen Guo, at Wenyi Lin.

MAKI-BALITA: Senado, naglabas na ng arrest order vs Alice Guo

Sa isang pahayag nito ring Sabado, sinabi ni Gatchalian na tigilan na raw nina Guo ang pagtatago dahil mananagot umano ang dapat managot.

“Ang pag-aresto kay Guo Hua Ping aka Alice Guo at sa kanyang mga kasamahan ay isang hakbang para masiguro ang kaligtasan ng ating bansa,” pahayag ni Gatchalian.

“Tigilan na ang pagtatago. Mananagot ang dapat managot,” saad pa niya.

Matatandaang bukod sa isyu ng POGO hub ay iniimbestigahan ng mga awtoridad ang kontrobersyal na identidad ni Guo.

Kamakailan lamang ay isiniwalat ni Senador Risa Hontiveros na kinumpirma na ng National Bureau of Investigation (NBI) na iisa lamang si Guo at ang isang Chinese national na “Guo Hua Ping.”

MAKI-BALITA: NBI, kinumpirmang iisa lang si Alice Guo at Guo Hua Ping -- Hontiveros

Samantala, sa isang pahayag ay muling iginiit ng alkalde na isa siyang Pilipino at mahal daw niya ang Pilipinas.

MAKI-BALITA: Alice Guo, muling iginiit na isa siyang Pinoy: 'Mahal na mahal ko ang Pilipinas'

PBBM, naiilang kapag pinapasalamatan sa ibinibigay na serbisyo: 'Hindi ko pera 'yan!'

Nagbigay ng reaksiyon si Pangulong Ferdinand “Bongbong” Marcos, Jr. sa birthday message ng isang netizen para sa kaniya.Sa latest vlog kasi ng pangulo nitong Linggo, Setyembre 22, ay tampok ang mga birthday greet na natanggap niya mula sa iba’t ibang ospital.At kasama sa mga naitampok ay ang komento ng isang netizen tungkol sa mga programa ng pangulo sa healthcare ng bansa. “Still...

Kiko sa pagtakbong senador: 'Inaalay ko nang buong tapang, buong puso para sa bayan!'

Nagpasalamat si dating senador at vice presidential aspirant Atty. Kiko Pangilinan sa Partido Liberal ng Pilipinas (PLP) sa tiwalang ibinigay sa kaniya upang maging kinatawan ng partido para sa pagkasenador sa darating na midterm elections.Nanumpa na si Atty. Kiko sa isang programang isinagawa ng Liberal Party noong Setyembre 20, na ibinahagi niya ang talumpati sa kaniyang social media...

Davao Oriental, niyanig ng 4.8-magnitude na lindol

Niyanig ng magnitude 4.8 na lindol ang probinsya ng Davao Oriental nitong Linggo ng hapon, Setyembre 22, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 4:22 ng hapon.Namataan ang epicenter nito 122 kilometro ang layo sa timog-silangan ng Governor Generoso, Davao Oriental, na may lalim na 71...