PBBM, hinamon si Quiboloy na lumabas na imbes kwestiyunin ang ₱10M pabuya-Balita

Hinamon ni Pangulong Bongbong Marcos si Pastor Apollo Quiboloy na lumabas na at harapin ang mga akusasyong ibinabato laban sa kaniya imbes na kwestyunin ang ₱10 milyong pabuya para sa impormasyong magiging dahilan ng pagka-aresto niya.

No'ng Lunes, Hulyo 8, inanunsyo ni Department of the Interior and Local Government (DILG) Secretary Benhur Abalos na bibigyan ng ₱10 milyong pabuya ang sinumang makapagbibigay ng impormasyong magiging dahilan ng pagka-aresto kay Quiboloy.

BASAHIN: P10M pabuya, ibibigay sa makapagtuturo kay Quiboloy -- Abalos

Sa isang ambush interview sa Rodriguez, Rizal, hinamon ng Pangulo ang religious leader na magpakita na matapos na kwestiyunin ng kampo ni Quiboloy ang naturang pabuya.

"He can question their motives as much as they want. But magpakita siya," ani PBBM, ayon sa ulat ng Manila Bulletin.

"I question his motives. Let me question his motives. Bakit lagi kami kinukuwestiyon," dagdag pa ng pangulo.

Wala rin daw nakikitang mali si Marcos kung tumanggap ang gobyerno ng donasyon mula sa private individuals na gustong maaresto si Quiboloy, na tinawag niyang "fugitive."

"Bakit hindi? They want to help us bring a fugitive to justice. You know, he is a fugitive. He is hiding from the law," anang pangulo.

Hinikayat din niya si Quiboloy na sumunod sa batas.

"Sinusundan lang namin ang batas. Sundin din niya ang batas," saad ni Marcos.

Bukod kay Marcos, hinamon din ni Abalos si Quiboloy na kung talagang wala raw itong kasalanan ay sumuko ito at patunayan sa korte.

BASAHIN: Abalos, hinamon si Quiboloy: 'Wala kang kasalanan? Sumuko ka!'

Kaugnay pa nito, posibleng maharap sa kasong “obstruction of justice” si dating Pangulong Rodrigo Duterte dahil sa naging pahayag nito kamakailan na alam niya kung nasaan si Quiboloy, ngunit “secret” lang daw niya.

BASAHIN: FPRRD, posibleng kasuhan ng 'obstruction of justice' dahil kay Quiboloy

“Kung tanungin mo kung nasaan si Pastor, alam ko,” ani Duterte sa isang press conference sa Tacloban City nitong Linggo, Hunyo 30.

BASAHIN: Ex-Pres. Duterte, alam kung nasaan si Pastor Quiboloy: 'Pero secret!'

Kasalukuyang nahaharap si Quiboloy sa “ANTI-TRAFFICKING IN PERSONS ACT OF 2003 (RA 9208 AS AMENDED BY RA 10364), REPUBLIC ACT 7610 (SPECIAL PROTECTION OF CHILDREN AGAINST ABUSE, EXPLOITATION, AND DISCRIMINATION ACT), AND CONTEMPT OF COURT.”

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

VP Sara sa running mate na Marcos kung sakaling tatakbo: 'Never again!'

Tahasan at diretsahang sinabi ni Vice President Sara Duterte na hindi na siya papayag na magkaroon ng running mate na 'Marcos' kung sakaling magdesisyon siyang kumandidato sa pagkapangulo sa 2028.Iyan ang nasabi ng pangalawang pangulo sa ambush interview ng media sa kaniya, matapos ang pagdalo sa congress hearing nitong araw ng Miyerkules, Setyembre 18.Isang media reporter kasi ang...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...