Ikinatuwa ni ACT Teachers party-list Rep. France Castro ang balitang natanggap na umano ng International Criminal Court (ICC) ang TV footage ng pahayag ni dating Pangulong Rodrigo Duterte hinggil sa sinabi nitong ginamit niya raw ang confidential at Intelligence funds (CIF) para sa extra-judicial killings (EJK) sa Davao City noong alkalde pa siya rito.

Matatandaang inihayag ni dating Senador Antonio Trillanes IV nitong Martes, Oktubre 17, na natanggap na umano ng ICC ang ipinadala ng Magdalo group na TV footage ng panayam ng SMNI News kay Duterte kamakailan.

“Ang intelligence fund, binili ko. Pinapatay ko lahat, kaya gano’n ang Davao… Pinatigok ko talaga, ‘yun ang totoo,” saad ni Duterte sa naturang panayam.

https://balita.net.ph/2023/10/17/tv-footage-ng-pahayag-ni-ex-pres-duterte-tungkol-sa-ejk-natanggap-na-ng-icc-trillanes/?fbclid=IwAR3sKMqo83Q5ND-gMjWW8RYJCVkSlctvEPC54VJRLs4ujfgdF45WGKwqen8

National

VP Sara, inaming naging ‘cold’ si Sen. Imee: ‘Wag mainis sa’kin, mainis siya kay Martin!’

Pinuri naman ni Castro ang naturang hakbang ng Magdalo group na pinamumunuan ni Trillanes, at sinabing malakas na ebidensya umano ito laban sa kaso ng dating pangulo sa ICC tungkol sa war on drugs ng administrasyon nito.

"Former Pres. Duterte himself admitted that he ordered and financed extra-judicial killings using his CIF in national television, in my opinion that is a very strong evidence indeed," ani Castro.

"With Duterte not facing prosecution for the Davao City EJKs, I do not think that the Marcos administration can continue to invoke the principle of complementarity with this new admission from Duterte himself unless they file the proper charges against him now and seriously pursue it," saad pa niya.

Kaugnay naman ng naturang pahayag ni Duterte, muling nanawagan si Trillanes nitong Lunes, Oktubre 16, sa administrasyon ni Pangulong Ferdinand “Bongbong” Marcos Jr. na payagan ang ICC na pumasok sa Pilipinas upang imbestigahan ang war on drugs ng dating pangulo.

https://balita.net.ph/2023/10/17/trillanes-hinimok-govt-na-payagan-ang-icc-na-imbestigahan-drug-war-ni-ex-pres-duterte/

Samantala, matatandaang sinabi kamakailan ni Marcos na hindi na umano makikipag-ugnayan ang administrasyon nito sa ICC matapos nitong ibasura ang kanilang apela na ihinto ang imbestigasyon sa “war on drugs” ng administrasyon ni Duterte.