Pumalo sa 47°C ang heat index sa Ambulong, Tanauan, Batangas nitong Lunes, Mayo 8, ayon sa Philippine Atmospheric, Geophysical and Astronomical Services Administration (PAGASA).
Ayon sa PAGASA, ang heat index ay ang pagsukat kung gaano kainit ang nararamdaman kapag ang “humidity” ay isinasama sa aktwal na temperatura ng hangin.
Maaari umanong malagay sa “danger” level ang mga heat index na mula 42°C hanggang 51°C dahil posible rito ang “heat cramp” at “heat exhaustion”.
“Heat stroke is probable with continued activity,” saad pa ng PAGASA.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Bukod sa Ambulong ay nagkaroon din umano ng ‘dangerous’ heat index nitong Lunes sa Dipolog, Zamboanga del Norte (46°C); Catarman, Northern Samar (45°C); Roxas City, Capiz (45°C); Aparri, Cagayan (44°C); Baler, Aurora (44°C); Iba, Zambales (44°C); Sangley Point, Cavite (44°C); Ninoy Aquino International Airport, Pasay City (44°C); Tuguegarao City, Cagayan (44°C); Calapan City, Oriental Mindoro (43°C); Central Luzon State University in Muñoz, Nueva Ecija (43°C); Daet, Camarines Norte (43°C); Legazpi City, Albay (43°C); Zamboanga City, Zamboanga del Sur (43°C); Butuan City, Agusan del Norte (42°C); Casiguran, Aurora (42°C); Clark Airport, Pampanga (42°C); Cotabato City, Maguindanao (42°C); Dagupan City, Pangasinan (42°C); Infanta, Quezon (42°C); Laguindingan Airport, Misamis Oriental (42°C); Laoag City, Ilocos Norte (42°C); Maasin, Southern Leyte (42°C); Masbate City, Masbate (42°C); Port Area, Manila (42°C); San Jose, Occidental Mindoro (42°C); Science Garden, Quezon City (42°C); Surigao City, Surigao del Norte (42°C); at Tacloban City, Leyte (42°C).
Matatandaang, dahil sa init ng panahon, ipinahayag ni Senate Minority Leader Aquilino “Koko” Pimentel kamakailan na dapat maglabas ang Department of Labor and Employment (DOLE) ng direktiba na naglalayong bigyan ng ‘work break’ ang outdoor workers tuwing mataas ang heat index sa kanilang lugar.
BASAHIN: ‘Work break’ tuwing mataas ang heat index, ipagkaloob sa outdoor workers – Pimentel
Dahil din sa init ng panahon ay binigyang-diin kamakailan ni House Minority Leader at 4Ps Party-list Rep. Marcelino “Nonoy” Libanan na kinakailangan nang ibalik ang school calendar sa dati, kung saan bakasyon ang buwan ng Abril at Mayo, para umano sa kaligtasan ng mga estudyante.
BASAHIN: ‘School calendar, kailangan nang maibalik agad sa dati’ – house leader
