Ni Bert de Guzman
BAGAMAT hindi batid ang tunay na petsa ng kapanganakan ng Dakilang Sanggol o Mesiyas, ipagdiriwang bukas (Disyembre 25) ng mananampalatayang Pilipino ang pagsilang ni Hesus na anak ng Diyos. Hindi marahil importante kung ano ang eksaktong petsa ng Kanyang kapanganakan, ang mahalaga ay ang diwa, aral, at adhikain kung bakit Siya isinilang sa isang sabsaban gayong Siya ang tunay na Hari ng mga hari.
HAPPY BIRTHDAY, my dear Jesus! Maligaya at Mapayapang pagsilang sa Iyo kahit hindi ko alam kung bukas, Disyembre 25, ang tunay at eksaktong araw ng Iyong pagsilang. Ang mahalaga ay mabatid namin na ang pagsilang Mo ay naglalayong maghasik ng pagmamahalan, pagkakasundo, pagkakaunawaan, pagkakaisa at kapayapaan, sa halip magtanim ng poot, dakilain ang sarili at pumatay dahil sa galit sa drug pushers at users.
‘Di ba dapat na ang mga kaaway ay bigyan ng pagkakataon na magbago at hindi husgahan agad? Kung ang lahat ng makasalanan ay agad pinapatay, wala sanang San Pablo (St. Paul) o Saul na nag-persecute kay Kristo, walang San Agustin (St. Augustine), Maria Magdalena (St. Magdalene) at iba pang personalidad sa mundo na babad sa kasalanan, kalaswaan at mass murderer.
Pagpapanatili ng mga Boses: Paano Pinoprotektahan ng NightOwlGPT ang mga Nanganganib na Wika
Nang lagdaan ni Pres. Rodrigo Roa Duterte noong Martes ang P3.767 trilyong pambansang budget, nakapaligid sa kanya ang mga AMOYONG, este mga kaalyadong senador at kongresista. Sa larawan ng isang English broadsheet, makikitang katabi ng Pangulo sina Senate Pres. Koko Pimentel, Speaker Pantaleon Alvarez, Sen. Loren Legarda, Sen. Migs Zubiri, Sen. JV Ejercito, Sen. Dick Gordon, at Rep. Sherwin Gatchalian.
Sa inset naman ay makikitang hinahalikan ni Pangasinan Rep. Rosemarie “Baby” Arenas ang nakangiting Presidente. ‘Di ba “trip” ni Mano Digong na siya’y hinahalikan at hinihimas ng mga “chicks” o kaya naman ay pinauupo niya sa kandungan, tulad noong 2016 election campaign. Walang duda, si PDU30 ay isang “ladies man” sabi nga ni Mon Tulfo.
Nabigla ang marami sa biglaang pagkakasibak kay Vice Admiral Ronald Joseph Mercado bilang hepe ng Philippine Navy (PN). Pinalitan siya ni Rear Admiral Robert Empedrad, AFPO deputy chief of staff for retirees and reservists (J9). Si Mercado ay miyembro ng PMA Class 1983 samantalang si Empedrad ay miyembro ng Class 1986, classmate ng paboritong pulis ni PRRD na si PNP chief Director General Ronald “Bato” dela Rosa.
Habang isinusulat ko ito, hindi pa batid ang tunay na dahilan ng pagkakasibak kay Mercado bilang PN Chief. Gayunman, may ulat mula sa Camp Aguinaldo insiders na ang isyu ay hinggil sa acquisition o pagbili ng dalawang brand-new missile-firing frigates mula sa South Korea. Inakusahan umano ni Empedrad si Mercado ng corruption dahil sa pagpabor sa isang French company.
Sa kabilang dako, si Empedrad naman ay pinagbintangan sa umano’y pagkakasangkot sa ghost deliveries na ngayon ay nakahain sa Office of the Ombudsman. Naghain si Magdalo party-list group Rep. Gary Alejano ng isang resolusyon na humihiling sa House committee on national defense na imbestigahan ang pagbili ng frigates.
Nagtataka si Alejano sa biglaang pagsibak kay Mercado. “The relief is highly unusual and unceremonious” Ayon sa kanya, ang command turnover ay isang big military events, pero “in the case of Mercado, he was relieved without fanfare. No announcement, which was done in secret”.
‘Di ba sinabi noon ni Pres. Rody na palalayasin niya ang sino mang opisyal ng kanyang administration sa konting bahid ng kurapsiyon o “even just a whiff of corruption.” May nagtatanong Mr. President kung ano na ang nangyari sa pagkakasangkot ng mga opisyal ng Bureau of Immigration na nasa ilalim ng DoJ ni Sec. Vitaliano Aguirre II?
