Ni: Bella Gamotea
Sugatan ang isang guwardiya makaraang barilin ng kanyang kalugar sa Taguig City, nitong Miyerkules ng hapon.
Kasalukuyang nagpapagaling sa ospital si Ismael Pusidio y Lorenzo, 61, ng No. 1 M. Gregorio Street, Calzada-Tipaz, Taguig City, na nagtamo ng tama ng bala sa kanang hita.
Tinutugis naman ng awtoridad si Hansel Herrera y Palatino, 27, M. Gregorio St., Calzada-Tipaz.
Eleksyon
Mga mananalong senador sa eleksyon, inordenahan ng Diyos — Tito Sotto
Sa ulat na ipinarating sa Southern Police District (SPD), naganap ang insidente sa M. Gregorio St., bandang 3:30 ng hapon.
Nakatayo ang biktima sa lugar nang sumulpot ang suspek at binaril ang biktima sa hita.
Agad tumakas ang suspek bitbit ang baril.
Patuloy na inaalam ang motibo sa pamamaril.
