TACURONG CITY, Sultan Kudarat - Tatlo katao na pinaniniwalaang dumayo pa sa Tacurong City para magnakaw ng kambing ang naaresto ng pulisya makaraang magnakaw umano uli sa bahagi ng Purok Pagkakaisa sa Barangay New Carmen, Tacurong City, nitong Huwebes ng hapon.
Ayon sa ulat, nasaksihan ng ilang residente ang umano’y pagtangay ng mga suspek sa nakasingkaw na kambing, na pag-aari ng ni Ophelia Sitjar y Reyla.
Arestado sina Nasser Camsa, 18, binata; Jolo Ayog, 20, binata, kapwa taga-New Market , Buluan, Maguindanao; at isang Mohalidin Agpit, 19, ng Bgy. Malangit, Tacurong City. (Leo P. Diaz)
Probinsya
