Patay ang limang katao habang siyam na iba pa ang nasugatan makaraang mag-overshoot at bumangga sa konkretong poste ng kuryente ang isang six-wheeler truck sa Barangay Katipunan, RT Lim sa Zamboanga Sibugay, kahapon.
Kaagad na nasawi si Cardo Cortez, 50, truck driver, residente ng Zamboanga City; at pasahero niyang si Paterno Endrina, 70, ng Zamboanga Sibugay.
Dead on arrival naman sa Ipil Provincial Hospital sina Wengilyn Casipong, 47; Reynan Beniares, 30; at Romelyn Cortez, 10 anyos.
Inilipat naman kaagad sa pagamutan ng Zamboanga City ang siyam na unang dinala sa Ipil Provincial Hospital na sina Enriqueta Cortez, 49; Roger Cortez, 32; Anthony Cortez, 12, taga-Bgy. Divisoria, Zamboanga City; Jason Suringa, 16; Jomaril Anduha, 17; Jordan Banga; Jaime Montecalbo, 19, pawang ng Olutanga, Zamboanga Sibugay; Laurencio Casipong, 51, ng Bgy. Surabay, RT Lim, Zamboanga Sibugay; at Fiona Casipong, 7, ng Zamboanga Sibugay.
Lalaking nabokya sa E-Bingo, nag-amok at nagnakaw sa pasugalan
Nabatid sa imbestigasyon ng pulisya na patungong Bgy. Malubal sa RT Lim ang Isuzu six-wheeler drop side truck ngunit pagsapit sa isang kurbadang bahagi ng kalsada ay bigla itong nag-overshoot at nawalan ng kontrol sa manibela ang driver na nagresulta sa pagbangga nito sa sementadong electrical post ng Zamboaga del Sur Electric Cooperative.
Sinabi ng pulisya na nagpagulung-gulong pa ang sasakyan sa gilid ng kalsada. (Fer Taboy)
