PCKDF, masusubok sa Asian Dragonboat-Balita

Matapos ang matagumpay na kampanya sa World Dragonboat Festival sa Moscow, Russia ay sasagwan naman ang Philippine Canoe Kayak Dragonboat Federation (PCKDF) team sa nalalapit na Asian Dragon Boat Championship and International Club Crew Championship simula Nobyembre 11 at 12 sa Puerto Prinsesa, Palawan.

“This is the first time the Philippines is hosting such a big event – because it will combine two events in one place – the 2016 Asian Championships and International Club Crew championships,” sabi ni PCKDF President Jonnee Go.

Pinaghahandaan ng PCKDF ang paglahok sa susunod na taon na 2017 Malaysia SEA Games gayundin ang 2018 Asian Games kung saan unang isasagawa ang disiplina habang hangad din ng asosasyon na gawing popular ang karera sa bangka para makahanap ng bagong talento at maipromote ang turismo.

“Hindi lang namin gusto ipakita ang husay ng Pilipino sa sports na paddling kundi nais din namin na maipromote ang turismo sa bansa,”sabi ni Go.

Inaasahan ni Go ang paglahok ng 45 miyembro ng PCKDF na masusubok muli kontra karibal sa Asia na Iran, India, Malaysia, Indonesia, Hong Kong, China, Thailand, at Singapore pati na rin ang delegasyon mula sa Germany at United States.

Matatandaan na nagawang magwagi ng PCKDF team ng tatlong ginto, isang pilak at dalawang tanso sa nakalipas na World Dragonboat Festival sa Moscow, Russia.

Paglalabanan sa torneo ang distansiyang 500 metro sa men’s at women’s 20 seater, men’s 10 seater at mixed juniors (15-19 taon), 10 seater sa unang araw at distansiyang 200 metro s men’s crew 20 at 10 seaters, women’s crew 10 seaters at mixed juniors crew 10 seaters sa ikalawang araw.

Gaganapin sa Nobyembre 12 ang International Club Crew na paglalabanan ang men’s crew 20 seater, mixed crew 20 seater, women’s crew 10 seater at mixed masters crew (40 taong gulang pataas) na may 10 seaters.

Huling isasagawa ang men’s club crew 20 seaters, mixed crew 20 seater, men’s at women’s crew 10 seater at mixed masters crew 10 meters. (Angie Oredo)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...