Gen. Bato at Mareng Winnie, tuloy ang harapan

By Balita Online

August 27, 2016

In FEATURES

BUKAS (Lunes, Agosto 29) ipagpapatuloy ni Winnie Monsod ang kanyang panayam kay PNP Chief Ronald “Bato” dela Rosa sa Bawal Ang Pasaway Kay Mareng Winnie.

Sa part two ng kanilang one-on-one interview, inilahad ni Dela Rosa na hindi siya mangingimi na sumuway sa utos ng presidente kung alam niyang hindi ito tama.

Marami pang uungkatin si Mareng Winnie tungkol sa mga operasyon ng PNP kontra droga katulad na lang ng dahilan kung bakit inalis pansamantala ang mga taga-Bureau of Corrections at pinalitan ng SAF (Special Action Forces) sa pagbabantay sa NBP.

Kampante ang PNP Chief na hindi masusuhulan ng drug lords ang mga miyembro ng SAF para makapagpatuloy ng pagbebenta ng droga sa Bilibid dahil buo ang tiwala niya sa mga ito.

Sasagutin din ni Dela Rosa ang pagbatikos sa kasalukuyang administrasyon na tila may espesyal na pagtrato sa mayayaman o big time na taong sangkot sa droga kumpara sa mahihirap na drug user, na napapatay sa operasyon ng pulisya. Depensa ng PNP Chief, karamihan kasi ng mga sibilyan na mahihirap na namamatay ay nanlalaban sa mga awtoridad.

Sa kabilang banda, inamin ni Dela Rosa noong nakaraang Lunes na naging pilyo rin siya noong hindi pa kasal sa kanyang asawa na si Nancy.

Abangan lahat ng ito sa Bawal Ang Pasaway Kay Mareng Winnie ngayong Lunes, 10:15 PM, sa GMA News TV.

Pilipinas, balak harangin asylum application ni Roque

Inihayag ng Department of Justice (DOJ) na nakatakda umanong harangin ng gobyerno ng Pilipinas ang asylum application ni dating Presidential spokesperson Harry Roque sa Netherlands.Sa panayam ng TeleRadyo Serbisyo kay DOJ Undersecretary Nicholas Felix Ty, iginiit niyang may plano umano silang magsumite ng dokumento sa pamahalaan ng Netherlands na tututol sa naturang aplikasyon ni...

Bulacan VG Alex Castro, nagsalita sa tugon ng Malacañang sa PrimeWater

Naglabas ng opisyal na pahayag si Bulacan Vice Governor Alex Castro hinggil sa tugon ng Malacañang na imbestigahan ang serbisyo ng PrimeWater sa kanilang lalawigan.Mababasa sa kaniyang opisyal na pahayag, sa opisyal niyang Facebook page nitong Miyerkules, Abril 30, 'Taos-puso po akong nagpapasalamat sa Malacañang sa kanilang agarang pagtugon sa ating panawagan na imbestigahan ang matagal...

PBBM, paiimbestigahan reklamo sa 'kakulangan' sa serbisyo ng PrimeWater

Sinabi ng Malacañang na paiimbestigahan ni Pangulong Ferdinand 'Bongbong' Marcos, Jr. ang reklamo ng mga parukyano ng PrimeWater dahil sa umano’y mataas na singil sa bill at mababang kalidad ng serbisyo sa ilang mga lugar sa Bulacan.Ayon kay Presidential Communications Office (PCO) Undersecretary Claire Castro, nanindigan si PBBM na walang puwang sa administrasyon niya ang anumang...