Magpapatupad ng karagdagang oras ng operasyon ang mga power plant sa maliliit na komunidad at sa malalayong isla sa bansa bunsod ng tumataas na demand sa eletrisidad.
Paliwanag ng National Power Corporation (Napocor), mula dalawa hanggang apat na oras ang idadagdag na panahon ng kanilang Small Power Utilities Group (SPUG) para sa 20 planta nito sa Luzon, 25 planta nito sa Visayas ant walong planta sa Mindanao.
Sinabi ng Napocor, mapakikinabangan kabuuang 22,841 pamilya sa nasabing mga lugar.
“Through extension of operating hours, we hope to spur economic activities in the missionary areas, thus, improving the quality of life of our customers in far-flung islands,” pagdidiin ng Napocor.
