MGA SLOGAN-Balita

MGA SLOGAN

Para kay ex-Sen. Ninoy Aquino: “The Filipino is worth dying for.” Para kay Tita Cory: “The Filipino is worth living for.” Para naman kay PNoy: “ The Filipino is worth fighting for.” Kaygagandang slogan para sa mamamayang Pilipino.

May slogan din si ex-Pres. Ferdinand E. Marcos: “This nation can be great again.” Palakpakan ang mga tao. Sa tagal ng panunungkulan ni Apo Macoy na naging diktador at nagpakulong kay Ninoy, nagpasara sa mga newspaper publication, TV at radio station at ginawang tuta ang Korte Suprema, naging great ba o dakilang muli ang naghihirap at nagdurusang Pilipinas?

Iba na ang tono ngayon ni Vice President Jojo Binay matapos dumalo sa pagbubukas ng commemorative exhibit kaugnay ng ika-5 anibersaryo ng pagpanaw ni Tita Cory na ginanap sa Glorietta Activity Center, Makati City sa pangunguna ni PNoy. Ito ay ang “History and Her Story” photo exhibit ng icon of democracy mula sa pagkabata hanggang mapangasawa si Ninoy at naging tanging babaeng Pangulo ng bansa.

Sa okasyon, naroroon sina Ballsy Aquino-Cruz, Pinky Aquino-Abellada, Mayor Jun-Jun Binay, Ayala Corp. Pres. Fernando Zobel de Ayala at iba pa. Masaya si Rambotito, este VP Binay, dahil sa di-pag-angat ng survey ratings ni DILG Sec. Mar Roxas. Posibleng siya raw i-adopt at maging “manok” ng Liberal Party.

Ayon kay Binay, tumatanggap siya ng mga “hilaw na impormasyon” na baka siya ang piliin ni PNoy sa 2016 presidential elections; o baka mag-coalesce ang LP at ang UNA na partido niya. Kapag siya ang nanalo, tiyak na ligtas si PNoy at hindi sasapitin ang kapalaran nina Pareng Erap at Aling Maliit na parehong nakulong dahil sa kasong plunder.

Tanong ng kaibigan kong palabiro pero sarkastiko: “Papaano ngayon si UNA spokesman Rep. Toby Tiangco na panay ang banat sa administrasyong Aquino at sa cabinet. Ititikom na ba niya ang bibig at pupurihin ngayon si PNoy at mga KKK? Sabad ni Tata Berto: “Sabi nga ni VP Binay, in politics everything is probable. In politics, everything is possible?

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...