Dalawang magkahiwalay na insidente ng pagguho ng lupa ang naitala ng mga awtoridad sa Angeles City nitong Biyernes, Agosto 28, bunsod ng walang humpay na pag-ulan dulot ng Habagat.
Ayon sa Angeles City Disaster Risk Reduction and Management Office (ACDRRMO), ang unang insidente ay naiulat sa Abacan Bridge, malapit sa Abacan Loop sa Brgy. Balibago.
Ang ikalawang insidente naman ay naiulat sa kahabaan ng Amsic Loop patungong Anunas Diversion Road.
Sa hiwalay na update ni Punong Barangay Agosto Flores sa ACDRRMO, naapektuhan ng pagguho ng lupa ang Purok 2 at 3 ng Barangay Anunas.
Tiniyak ng ahensya na matagumpay nilang nailikas ang mga pamilyang naninirahan dito at kasalukuyan nang nailipat sa Brgy. Anunas Covered Court at Anunas Elementary School.
Sabon panlaba, humalo sa gulamang nainom ng 29 na estudyante sa Davao del Norte!
Samantala, ipinaalala ng ACDRRMO sa publiko na maging alerto sa mga sakuna at tumawag sa mga sumusunod na numero para sa emergency assistance:
ANGELES CITY DISASTER RISK REDUCTION MANAGEMENT OFFICE
Globe: 0917 851 9581
Smart: 0998 842 7746
ANGELES CITY POLICE OFFICE
0907 742 8000
0908 377 0144
BUREAU OF FIRE PROTECTION ANGELES
0995 822 3620
0925 451 3550
ANGELES ENVIRONMENTAL MANAGEMENT SYSTEM
0950 312 1699
CITY SOCIAL WELFARE AND DEVELOPMENT OFFICE
0966 350 7393
KAUGNAY NA BALITA: ALAMIN: Mga senyales ng landslides tuwing umuulan
