Maaaring pumalo sa pagitan ng 5.5% hanggang 6.5% ang inflation rate ng bansa para sa buwan ng Agosto, batay sa month-ahead inflation forecast na inilabas ng Bangko Sentral ng Pilipinas (BSP) nitong Biyernes, Agosto 28.

Ayon sa BSP, ilan lamang sa mga salik na nakaapekto sa nasabing projection ay ang mas mataas na presyo ng bigas, gulay, prutas, at isda.

“The BSP projects August 2026 inflation to settle within the range of 5.5 to 6.5 percent,” saad ng BSP.

Anila, “Upward price pressures for the month are likely to be driven by higher rice, vegetable, fruit, and fish prices, partly due to unfavorable weather conditions, and elevated domestic fuel costs.”

“These upward pressures are expected to be mitigated by lower prices of meat, as well as lower electricity rates and the peso appreciation,” dagdag pa nila.

Anang central bank, patuloy nilang babantayan ang mga paparating na datos na may kinalaman sa epekto ng sitwasyon sa Middle East, gayundin ang weather systems sa inflation rate at ekonomiya ng bansa.

“The BSP will remain vigilant and guided by incoming data, particularly on inflation and growth prospects,” anang central bank.

“It will continue to assess the impact of latest developments in the Middle East and recent weather disturbances on the country’s inflation and economic outlook,” pagtatapos ng BSP.

Kung ikukumpara sa projection ng BSP noong Hulyo, bahagya itong mas mababa sa 5.6% hanggang 6.6% month-ahead inflation forecast ng nasabing buwan.

MAKI-BALITA: July inflation, maaaring umabot ng 5.6% hanggang 6.6%—BSP-Balita