Ibinahagi ng Bangko Sentral ng Pilipinas (BSP) na maaaring maglaro sa pagitan ng 5.6% hanggang 6.6% ang inflation rate para sa buwan ng Hulyo.

Batay sa month-ahead inflation forecast na inilabas ng BSP nitong Biyernes, Hulyo 31, ang projected July inflation ay maaaring dulot ng iba’t ibang salik gaya ng mataas na presyo ng produktong petrolyo, mas mataas na electricity rates, tumataas na presyo ng isda, at maging ang palitan ng piso kontra dolyar.

“At a time of heightened uncertainty, the BSP projects July 2026 inflation to settle within the range of 5.6 to 6.6 percent. Upside price pressures during the month could stem from elevated domestic petroleum pump prices, higher electricity rates, increasing fish prices, and the depreciation of the peso against the strengthening US dollar,” saad ng BSP.

Anila, “These pressures are expected to be mitigated by lower prices of key food commodities, including rice, meat, vegetables, and fruits.”

Anang central bank, patuloy nilang babantayan ang mga datos na may kaugnayan sa implasyon at ekonomiya—gayundin ang tensyon sa Gitnang Silangan.

“The BSP will remain vigilant and guided by incoming data, particularly on inflation and growth prospects. It will continue to monitor recent developments in the Middle East for their impact on inflation and economic activity,” anang central bank.

Samantala, matatandaang pumalo sa 6.4% ang headline inflation ng bansa para sa buwan ng Hunyo, ayon sa datos ng Philippine Statistics Authority (PSA).

MAKI-BALITA: Inflation, bumaba sa 6.4% nitong Hunyo 2026!-Balita