Naispatang nag-usap at nagyakapan ang magkatunggaling sina Atty. Lorna Kapunan ng prosecution at Atty. Kristine Ferrer ng defense panel bago magsimula ang pagpapatuloy ng impeachment trial ni Vice President Sara Duterte nitong Lunes, Agosto 17, 2026.
Sa ika-16 na araw ng impeachment trial, makikitang nilapitan ni Atty. Kapunan si Atty. Ferrer, nag-usap, at nagyakap habang nasa tabi si Atty. Michael Poa.
Matatandaang nagkainitan ang dalawang abogado sa kanilang paghaharap, lalo na sa isyu ng tinatawag na "misleading questions" kaugnay ng pagtatanong sa testigong si Commission on Audit (COA) auditor Xylene del Campo, noong Miyerkules, Agosto 12.
Naganap ang tensiyon matapos kuwestiyunin ni Atty. Ferrer ng defense team ang paraan ng pagsagot ng testigo at igiit na dapat munang tumugon si Del Campo ng “yes or no” sa mga tanong ng depensa.
Ayon kay Ferrer, maaari namang magtanong ng clarificatory questions ang prosekusyon sa kanilang redirect examination.
PBBM, bukas sa umano'y private meeting request ni VP Sara?
Hindi naman ito sinang-ayunan ni Atty. Kapunan ng prosecution team.
“Your Honor, not all questions can be answered by yes or no,” pahayag ng beteranang abogado.
Nang sabihin ni Ferrer na nasa cross-examination siya, iginiit ni Kapunan na may mga limitasyon pa rin sa ganitong uri ng pagtatanong.
“Never mind if you’re on cross. There are limits to cross-examination. Misleading questions are not allowed on cross.”
Nang sabihin naman ni Ferrer na pinapayagan ang misleading questions, mabilis na sumagot si Kapunan.
“I don’t think I need to lecture you that,” ani Kapunan.
Dahil dito, namagitan na si Presiding Officer Francis “Chiz” Escudero upang pababain ang tensiyon sa loob ng impeachment court.
Paalala ni Escudero sa dalawang kampo: “Counsels, let’s not allow the generational or seeming generational divide increase the tension in the courtroom. Let’s keep it a notch lower.”
Sa halip na palalain ang sagutan, nagbiro naman si Kapunan tungkol sa kanyang pagpipigil.
“I am preventing myself from giving her a spanking, Your Honor. That’s what I would have done in the generational divide,” ani Kapunan.
Agad naman niyang sinabing susubukan niyang panatilihin ang kanyang pagiging kalmado.
“I promise to henceforth, behave,” dagdag niya.
Maki-Balita: ‘I don’t think I need to lecture you that!' Kapunan, Ferrer nagkagirian dahil sa 'misleading question'
Sa kabila ng tensiyon, nagpatuloy ang pagdinig matapos mamagitan ang presiding officer at paalalahanan ang magkabilang panig na panatilihing maayos ang proseso.
Samantala, pinalagan naman ni Ferrer ang mga side comment ni Kapunan na sana raw ay iwasan habang nasa trial.
Sa naging pahayag naman ni Kapunan sa panayam sa kaniya ng manunulat at News5 anchor na si Lourd De Veyra noong Huwebes, Agosto 13, sinabi niyang mas epektibo raw minsan ang maging mahinahon sa pakikipag-argumento.
“When last an aggressive cross-examination became an attempt to simply wear down a witness, sa tingin po ninyo?” urirat ni De Veyra.
Tugon ni Kapunan, “You don’t have to be aggressive to make a point. Sometimes, it’s even more effective to say it calmly. The way I tried to, the way I kept in check. I’m a natural kasi—I'm naturally fiery.”
Dagdag pa niya, “But I have learned in life that sometimes, if you always like that, when you really mean it, they’ll say ‘She’s one of her bad day modes.’ So I’m normally very calm.”
Ani Kapunan, may pagkakataon lang daw kailangan niyang maging agresibo depende sa okasyon.
Aniya pa, hindi niya raw alam kung kinakabahan lang si Ferrer ngunit naramdaman umano niyang nawawala ito sa pokus.
“I don’t know if it was the nervous reaction of my opposing counsel, but I could feel that she was losing it,” anang prosecutor.
Paliwanag pa niya, “Four hours of going back to the same points. I don’t want to be critical but just for cross-examination na lang. And that’s why I ended when I ended.”
Pagpapatuloy ni Kapunan, mas mahalaga raw matutunang malaman kung kailan dapat tumigil at mas mabisa raw, kung minsan, ang hindi na lang mag-cross-examination sa isang batikang testigo.
“It’s knowing when to stop or even knowing when not to. Sometimes, the best cross-examination, especially for an expert witness, sometimes the best cross-examination is no cross,” pagtatapos pa niya.
Maki-Balita: Atty. Kapunan sa pagdedepensa: 'You don't have to be aggressive to make a point!'
