Kinumpirma ni Philippine Ambassador to Colombia Adrian Bernie Candolada na walang Pilipinong namatay o nasaktan sa pagyanig ng magnitude 7.4 lindol sa Colombia noong Lunes, Agosto 10 (oras sa Colombia).

Sa isang pahayag na inilabas ni Candolada nitong Miyerkules, Agosto 12 (oras sa Pilipinas), na mababasa sa Facebook page ng Philippine Embassy in Colombia, sinabi niyang nakikipag-ugnayan na ang embahada ng Pilipinas sa mga Pinoy na apektado ng nasabing lindol upang maipahatid ang kakailanganin nilang tulong.

“Following the 7.4-magnitude earthquake that struck the western part of Colombia on Monday, 10 August 2026, at 7:34 a.m. local time, the Philippine Embassy in Bogota has not received any reports of casualties or injuries among members of  the Filipino community,” saad ni Candolada.

Aniya, “All Embassy personnel are safe. They are in touch with the Filipino community and are closely monitoring those in affected areas for any required assistance. Families and friends of Filipino nationals working or residing in Colombia may get in touch with the Philippine Embassy through  [email protected], facebook.com/phincolombia or  phone no. +57 314 299 8808 for updates.”

Nagpasalamat din ang ambassador sa mga indibidwal na nagpakita ng malasakit sa mga Pinoy na naroon sa nasabing bansa.

“As we continue to closely monitor the situation on the ground, we also thank everyone who has expressed concern for our safety,” anang Philippine Ambassador.

Nagpapatuloy naman ang search and rescue operations upang mapag-alaman ang eksaktong bilang ng casualties, injuries, at damages na dinulot ng malakas na lindol.

KAUGNAY NA BALITA: Mga Pinoy sa Colombia, pinag-iingat matapos ang magnitude 7.4 na lindol-Balita