Nagbigay ng reaksiyon ang komedyanteng si Dennis Padilla kaugnay sa mga negatibong komentong ibinabato laban kay Sen. Robin Padilla.
Sa panayam ng entertainment media sa ginanap na Maddox Iconic Runway: Diamond Jewelry Fashion Show 2026 kamakailan, inusisa si Dennis kung ano ang pinakamasakit na narinig niya patungkol sa kaibigang senador.
Aniya, “Nasasaktan ako do'n sa sinasabing 'bobo' [si Sen. Robin]. I hate that word. Kumbaga, wala namang bobong tao.”
“Saka parang very insulting. Sa mga basher, 'wag naman tayong kababa. Itaas naman natin ang quality ng pagsasalita natin,” dugtong pa ni Dennis.
Matatandaang madalas maging laughing stock si Sen. Robin dahil sa binibitawan niyang pahayag. Kamakailan nga lang ay binakbakan siya ni labor leader Ka Leody De Guzman.
Sinehan, binalot ng utot sa screening ng Spider-Man; mga manonood, pinalikas!
"Sabi nga nila. Always be a better version of yourself. Kung tanga ka kahapon. Mas tangahan mo pa ngayon," saad ni De Guzman sa kaniyang Facebook post nito ring Huwebes.
Kaugnay ito sa puna ng senador na one-sided umano ang prosecution team pagdating sa impeachment trial laban kay Vice President Sara Duterte.
