Nagkita sina Pangulong Ferdinand “Bongbong” Marcos, Jr. at Singaporean Prime Minister (PM) Lawrence Wong noong Miyerkules, Hulyo 15 para sa isang pagpupulong.

Batay sa isang Facebook post na ibinahagi ni PBBM, inilahad niyang tumutok ang kanilang dayalogo sa mga usaping may kinalaman sa trade, artificial intelligence (AI), at investment.

“Today, I met with Prime Minister Lawrence Wong to discuss how the Philippines and Singapore can expand trade, navigate the adoption of AI, attract more investments and deepen cooperation in the health and social sectors,” saad ni PBBM sa kaniyang post.

Idiniin din ng Pangulo ang bilateral agreements sa pagitan ng Pilipinas at Singapore, na aniya’y makatutulong sa mga Pilipino at Singaporeans.

“We also agreed to move forward with new bilateral agreements that will strengthen our partnership and benefit our peoples,” anang Pangulo.

“As close neighbors and partners in ASEAN, we will continue working together to keep our region peaceful, stable and open to greater opportunities for everyone,” pagtatapos ni PBBM.

Matatandaang base sa anunsyo ng Palasyo, matatapos ngayong Huwebes, Hulyo 16, ang working visit ng Pangulo sa nabanggit na bansa.

MAKI-BALITA: PBBM, may working visit sa Singapore mula Hulyo 14-16-Balita