Jay Tarriela at Chinese Embassy, nagboldyakan sa social media!-Balita

Jay Tarriela at Chinese Embassy, nagboldyakan sa social media!

Nagkasagutan sa social media si Philippine Coast Guard (PCG) Spokesperson for West Philippine Sea (WPS) Rear Admiral Jay Tarriela at Deputy Spokesperson ng Chinese Embassy na si Guo Wei hinggil sa usapin pa rin ng West Philippine Sea.

Nagsimula ang bardahan sa pagitan ng dalawang opisyal sa pamamagitan ng X post ni Tarriela noong Linggo, Hulyo 12, 2026.

"Happy 10th Anniversary to us, Chinese Embassy! Kung wala kayo ay wala sanang Arbitral Award dahil walang bully at nagviolate ng UNCLOS!" ani Tarriela sa post.

Kaugnay nito, ni-retweet naman ng Chinese Embassy ang naturang post at nagpahaging na tila panira umano si Tarriela sa relasyon ng China at Pilipinas.

"If there weren't people like Jay Tariella who lies, sows discord, and incites hatred every day, China-Philippine relations would be much better," ani Guo Wei.

Samantala, hindi naman pinalampas ni Tarriela ang tirada sa kaniya ni Guo Wei kung saan inisa-isa niya ang panggigipit ng China sa West Philippine Sea. Bagay na nakakaapekto raw sa relasyon ng nasabing mga bansa.

"If China would simply adhere to international law—stop harassing ordinary Filipino fishermen, stop harassing PCG and BAFR vessels, stop destroying the marine environment through reclamation, and abandon its illegal claim over nearly the entire South China Sea, Philippines-China relations would be in a far better place," saad ni Tarriela.

Samantala, habang isinusulat ang artikulong ito ay wala pa muling inilalabas na pahayag ang Chinese Embassy laban sa tugon ni Tarriela.

Matatandaang noong Linggo, nang gunitain ng bansa ang ika-10 anibersaryo ng pagkakapanalo ng Pilipinas as arbitrational tribunal kung saan kinilala ng international court ang karapatan at soberanya ng bansa sa exclusive economic zones nito sa West Philippine Sea at siyang tuluyang ibinasura ang noo’y kontrobersyal na na nine dash lines ng China.

KAUGNAY NA BALITA: #BALITAnaw: Bakit nanalo ang Pilipinas sa 2016 Arbitral Ruling sa WPS kontra China?

Sen. Alan, 'di raw mapigilan ang sariling gumawa ng mga intriga—Palasyo

Nagbigay ng matapang na tugon ang Malacañang sa mga pahayag ni Senate Minority Leader Alan Peter Cayetano laban kay Pangulong Ferdinand 'Bongbong' Marcos Jr., hinggil sa kontrobersyal na ₱10,000 ayudang iniuugnay sa senador. Ayon kay Palace Press Officer Undersecretary Claire Castro, sasagutin ng pamahalaan ang mga alegasyon ng senador sa pamamagitan ng mga ebidensya at hindi ng mga...

Traffic enforcer na nag-counterflow sa EDSA bus lane, suspendido lisensya!

Sinuspinde ng Land Transportation Office (LTO) ang lisensya ng isang traffic enforcer na nag-counterflow sa EDSA bus lane at humarang sa harap ng isang bus na nagdulot ng pagkaantala sa daloy ng trapiko. Batay sa viral video ng traffic enforcer mula sa LTO nitong Sabado, Hulyo 18, mapapanood na tila nasa ilalim din ito ng impluwensiya ng alak habang nilalabag ang batas trapiko. Ngunit...

Ex-news editor, pansamantalang nakalaya matapos kasuhan ng religious leader

Pansamantalang nakalaya si Marchel Espina matapos makapagpiyansa sa kasong unjust vexation na isinampa ng isang religious leader laban sa kaniya. Kaugnay umano ito sa artikulong may pamagat na “Demonic Church Meddling in Politics” na nailathala sa isang lokal na pahayagan kung saan siya nagsilbing editor-in-chief. Naging dahilan umano ito ng pagkainis ng religious leader na kinilalang si Pedro...