Sec. Renato Bantug, inispluk dahilan ng pagbisita ni Atty. Zuleika Lopez sa Senado-Balita

Sec. Renato Bantug, inispluk dahilan ng pagbisita ni Atty. Zuleika Lopez sa Senado

By Mc Vincent Mirabuna

July 09, 2026

Ibinahagi sa publiko ni impeachment Clerk of Court at Senate Secretary Renato Bantug, Jr., ang naging dahilan ng pagpunta ni Office of the Vice President (OVP) Chief of Staff Atty. Zuleika Lopez sa Senado nitong Huwebes, Hulyo 9, 2026.

Matatandaang inilabas ng defense team ni VP Sara sa Senate impeachment trial noong Miyerkules, Hulyo 8, ang video ni Lopez noong Nobyembre 2024 na naging dahilan umano ng naging pagbabanta ng Bise Presidente sa buhay ng Pangulong Ferdinand “Bongbong” Marcos, Jr., First Lady Liza Marcos, at dating House Speaker Martin Romualdez.

Dahil dito, pormal na nagpadala ang Senado ng subpoena ad testificandum kay Lopez upang tumestigo at magbigay ng pahayag sa impeachment trial laban kay VP Sara sa darating na Lunes, Hulyo 13, at Martes, Hulyo 14, 2026.

Sa naging pahayag naman ni Bantug sa panayam sa kaniya ng media nito ng Huwebes, Hulyo 19, sinabi niyang tungkol lang daw sa mga administratibo at housekeeping na usapin ang kanilang tinalakay sa naging pagpunta ni Lopez sa Senado.

“Purely administrative. Ilan ba raw ang seats ang puwedeng ma-allocate ng Senate sa guest ng defense. Sabi ko, we previously communicated with the defense panel that they have forty five seats,” pagsisimula niya.

Ani Bantug, nagtanong din daw sina Lopez kung maaari silang magdala ng refrigerator, coffee maker, at magsagawa ng sarili nilang food catering sa holding area ng defense team.

“The second was doon sa holding area, can they bring their all equipments? Of course. They asked if they could bring a refrigerator, a coffee maker. Sabi ko, yes. And then whether they can engage their own caterer. So, yes,” aniya.

Pagpapatuloy ni Bantug, wala naman daw silang ibang usapin na tinalakay ni Lopez at wala raw kaugnayan ang tungkol sa housekeeping at administratibong bagay sa takbo ng impeachment trial.

“‘Yon lang naman ang ano, housekeeping, administrative. Nothing to do with my clerk of duties. It was merely making more as a secretary of the Senate to the Chief of Staff of the Office of the Vice President, rather than an impeachment court matter,” pagtatapos niya.

KAUGNAY NA BALITA: 'Pag bagyo, wala sila, e!' House, binara si Atty. Zuleika Lopez

KAUGNAY NA BALITA: Ridon, idiniing 'di 'contract to kill' usapin sa pagbabanta ni VP Sara!

2 PH Navy na pinukpok sa ulo ng CCG, makatatanggap ng tig-₱100k!

Inanunsyo ng Malacañang na pagkakalooban ng tig-₱100,000 na tulong pinansyal ang dalawang miyembro ng Philippine Navy na nasugatan sa naganap na insidente sa Ayungin Shoal. Ayon sa Palasyo, ang ayuda ay bilang pagkilala sa sakripisyo at serbisyo ng dalawang Navy personnel na nasaktan habang ginagampanan ang kanilang tungkulin sa pinag-aagawang bahagi ng West Philippine Sea. Hindi pa naglabas ng...

Atty. Taran ng KWF, panatag sa epekto ng AI data centers sa mga katutubong wika

Inihayag sa publiko ni Punong Komisyoner ng KWF Atty. Marites Barrios-Taran na hindi raw dapat mag-alala ang publiko banta ng paglaganap ng mga Aritificial Intelligence (AI) data centers sa kalikasan sa bansa at magiging epekto nito sa pananatili ng katutubong wika. Partikular dito ang tinatawag na “Pax Silica,” na ayon sa United States (US) Department of Stete ay isang para sa artificial...

'Kiyapo,' lalakas bilang tropical storm; signal no. 1, nakataas na!

Inaasahang lalakas bilang tropical storm ang tropical depression 'Kiyapo' habang papalapit sa Babuyan Islands, ayon sa Philippine Atmospheric, Geophysical and Astronomical Services Administration (PAGASA) nitong hapon ng Huwebes, Hulyo 23, 2026. Base sa tropical cyclone bulletin ng PAGASA, huling namataan ang bagyo sa layong 640 kilometers East of Tuguegarao City, Cagayan. Taglay ang...