Iniatas ng Philippine National Police (PNP) ang national disaster preparedness measures bilang paghahanda sa posibleng epekto ng pananalasa ng Super Typhoon Inday.

Matatandaang pumasok sa Philippine Area of Responsibility (PAR) ang super bagyo nitong madaling araw ng Miyerkules, Hulyo 8, batay sa Philippine Atmospheric, Geophysical and Astronomical Services Administration (PAGASA).

Ayon sa ulat ng PNP noong gabi ng Martes, Hulyo 7, ipinag-utos na sa lahat ng Police Regional Offices at field units ang nasabing direktiba.

“The directive covers the inspection of personnel readiness, deployment capabilities, mobility assets, communication systems, and other logistical requirements to ensure that police units can immediately respond to emergencies,” saad ng PNP.

Anila, “Regional and provincial commanders have likewise been instructed to continuously monitor weather developments, identify vulnerable areas within their jurisdictions, and implement appropriate contingency measures before conditions worsen.”

“Police units have also been directed to work closely with Local Disaster Risk Reduction and Management Councils, local government units, the Office of Civil Defense, the Bureau of Fire Protection, the Philippine Coast Guard, and other partner agencies to support pre-disaster preparations, evacuation efforts when necessary, traffic management, security in evacuation centers, and other public safety operations,” dagdag pa nila.

Ayon naman kay PNP chief Gen. Jose Melencio Nartatez, Jr., ang totoong paghahanda sa gitna ng kalamidad ay isinasagawa bago pa ito manalasa.

Aniya pa, huwag na raw hintayin pa ang kalamidad bago magsagawa ng aksyon kaugnay dito.

"Ang tunay na kahandaan ay nagsisimula bago pa dumating ang kalamidad. I have directed all commanders to remain proactive, keep our personnel and resources ready, and work closely with our partner agencies. Huwag nating hintayin na magkaroon ng emergency bago tayo kumilos. Sa oras na kailangan tayo ng ating mga kababayan, dapat naroon na ang PNP," saad ni Nartatez.T

iniyak din ng hepe na nakaantabay ang lahat ng police commanders upang matiyak ang kaligtasan sa mga maaapektuhang komunidad.

Giit naman ng PAGASA, wala pang direktang epekto ang naturang super bagyo sa Pilipinas.

Gayunpaman, nakataas pa rin ang tropical cyclone wind signal no. 1 sa ilang bahagi ng bansa.

MAKI-BALITA: Super Typhoon 'Inday,' wala pang direktang epekto sa bansa-Balita