Pinabulaanan ni Sen. Erwin Tulfo ang bulung-bulungang matitigil na umano ang imbestigasyon sa maanomalyang flood control projects dahil tututok na ang Senado sa impeachment trial laban kay Vice President Sara Duterte.
Sa ginanap na monthly balitaan forum nitong Martes, Hulyo 7, tiniyak ni Sen. Erwin na ipagpapatuloy umano ng Senate Blue Ribbon Committee ang pagsisiyasat sa isyu ng flood control projects.
“Wala pong katotohanan na kaya nag-impeachment trial tayo para matakpan 'yong flood control. Hindi po. Tuloy-tuloy po ang accountability,” saad ni Sen. Erwin.
Dagdag pa niya, “Kung ang Bise Presidente po ay dumadaan din sa accountability, how much more 'pag senador, congressman, iba pang opisyal?"
Ayon kay Sen. Erwin, pinaghati-hati na umano ang mga schedule ng Senado para maisakatuparan ang kani-kanilang trabaho.
Kiko Barzaga, muling sinampal ng 'cyber libel' case!
Nakatakdang isagawa ang mga committee hearings tuwing Huwebes at Biyernes habang ang Lunes hanggang Miyerkules ay nakalaan para sa kanilang sesyon sa umaga at impeachment trial sa hapon.
Pero sa ngayon, kailangan daw munang i-formalize ang Blue Ribbon Committee at magtatag ng subcommittee na siyang tututok sa maanomalyang flood control projects.
Matatandaang si Sen. Erwin ang kasalukuyang chairperson ng Senate Blue Ribbon Committe.
Kaugnay na Balita: Tulfo, pabor padaluhin sina Marcoleta at Dela Rosa sa impeachment trial
