Ball boys, student manager, pwedeng maalis sa listahang kakasuhan sa Ateneo-Balita

Ball boys, student manager, pwedeng maalis sa listahang kakasuhan sa Ateneo

May nilinaw si Department of the Interior and Local Government (DILG) Sec. Jonvic Remulla, hinggil sa naunang listahan na kanilang inilabas na maaari umanong sampahan ng kaso mula sa kampo ng Ateneo Men’s Basketball Team.

Sa pahayag ni Remulla nitong Lunes, Hunyo 29, 2026, iginiit ni Remulla ang posibilidad na maalis ang pangalan ng student manager at dalawang ball boys ng Ateneo Men’s Basketball Team, at gawin na lamang umanong testigo.

"Maaari na ring maalis sa listahan ng kakasuhan ang ilang kasama sa aktibidad lalo kung makita na hindi nila alam ang masamang layunin," ani Remulla.

Paglilinaw pa niya, "Maaaring gawing testigo imbes na akusado ng DOJ ang mga student manager at ball boy."

Matatandaang noong Hunyo 26 nang pangalanan ng Philippine National Police-Criminal Investigation and Detection Group (PNP-CIDG) sina dating Ateneo Head Coach Tab Baldwin at 10 iba pa, sa rekomendasyon nilang lumabag sa Anti-Hazing Law—hinggil sa pagkamatay ng dalawang Ateneo student-athlete na sina Rene Baterbonia at Divin Adili.

Narito ang mga pinangalanang indibidwal ng PNP-CIDG:

Thomas Anthony Baldwin @TAB – Head Coach

Grant Dearns – Strength and Conditioning Coach

Ceasar Vincent Javellana Elumba – Strength and Conditioning Coach

Dean Caesar B. Castaño – Assistant Coach

Sandro Nicholas Romero Soriano – Assistant Coach

Reynaldo C. Jacinto Jr. – Assistant Coach

Paolo Manuel Maceda Adevoso – Student Manager

Andrew Lorenzo Bondoc Salud @Drew – Student Manager

John Eric Quiambao Rueca – Physical Therapist

Aris Ramos Pronce – Utility / Ball Boy

Joel Palmiano Rapa @Boy – Utility / Ball Boy

KAUGNAY NA BALITA: Therapist, ball boy, kasama sa mga kakasuhan sa pagkamatay nina Baterbonia at Adili!

Kaugnay nito, mabilis namang pinutakti ng ilang netizens ang nasabing rekomendasyon at iginiit na tila hindi umano patas na nadawit ang pangalan ng student manager at dalawang ball boys ngunit ang misong team manager ay wala sa listahan.

KAUGNAY NA BALITA: 'Team manager wala?' Netizens, inalmahan pagdawit sa ball boys na kakasuhan sa Ateneo

Inang nagbugaw sa mga anak na menor de edad, natimbog ng NBI!

Inaresto ng National Bureau of Investigation (NBI) ang isang inang umaabuso sa dalawa niyang menor de edad na mga anak na babae sa pamamagitan ng iba’t ibang online sexual activities kasama ang mga dayuhang kliyente. Batay sa inilabas na ulat ng NBI nitong Martes, Hulyo 21, nagsimula ang kaso sa isang referral na natanggap nila mula sa US Department of Homeland Security Investigations (HSI)...

VP Sara, makakatakbong Pangulo hangga't 'di guilty—Comelec

Nilinaw sa publiko ng Commission on Elections (Comelec) na maaari pa rin daw na makatakbo sa 2028 national elections si Vice President Sara Duterte hanggang wala pa raw pinal na conviction na guilty ito sa isang kasong kriminal. Sa naging pahayag ni Comelec Chairman George Erwin Garcia sa panayam sa kaniya ng media nitong Martes, Hulyo 21, 2026, sinabi niyang maaari pa rin daw makatakbo ang...

VP Sara, lumipad papuntang Qatar, UK, Netherlands; 'di raw gastos ng gov't funds!

Inihayag sa publiko ng Office of the Vice President (OVP) ang overseas trip ni Vice President Sara Duterte sa mga bansang Qatar, United Kingdom (UK), at The Netherlands. Sa kabila ito ng gumugulong na Senate impeachment trial laban sa kaniya kung saan, habang sinusulat ito, nasa ikawalong araw at ikatlong linggo na ang naturang pagdinig. Sa inilabas na pahayag ng OVP nitong Martes, Hulyo 21,...