Kinumpirma na ng Philippine National Police-Criminal Investigation and Detection Group (PNP-CIDG) ang pagrerekomenda ng reklamong hazing hinggil sa pagkamatay ng dalawang Ateneo student-athletes na sina Rene Baterbonia at Divine Adili.

Batay sa rekomendasyong inilabas ng mga awtoridad nitong Biyernes, Hunyo 26, 2026, nag-crossover na umano sa hazing ang ginanap na team-building activity ng Ateneo men's basketball team sa Dipaculao, Aurora noong June 8, 2026, base sa kanilang nakalap na mga ebidensya. 

Kaugnay nito, may nilinaw naman si Department of the Interior and Local Government (DILG) Sec. Jonvic Remulla hinggil sa konsepto ng hazing na isasampa laban kina dating Ateneo Blue Eagles Head Coach Tab Baldwin at 10 pang katao.

“Ang hazing po ay hindi initiations lamang. Ayon sa batas, [na] na-revise noong 2018, 'Hazing refers to any act that results in physical or psychological suffering, harm, or injury inflicted on a recruit, neophyte, applicant, or member.' That applies to the basketball team,” anang kalihim.

Bukod kay Baldwin na mismong head coach ng nasabing koponan, damay din maging ang assistant coach, student manager at maging ang therapist at mga ball boys.

Kiefer Ravena, wapakels na sa 'di pagkuha sa kaniya sa national team!

Narito ang mga pinangalanang indibidwal ng PNP-CIDG:

Thomas Anthony Baldwin @TAB – Head Coach

Grant Dearns – Strength and Conditioning Coach

Ceasar Vincent Javellana Elumba – Strength and Conditioning Coach

Dean Caesar B. Castaño – Assistant Coach

Sandro Nicholas Romero Soriano – Assistant Coach

Reynaldo C. Jacinto Jr. – Assistant Coach

Paolo Manuel Maceda Adevoso – Student Manager

Andrew Lorenzo Bondoc Salud @Drew – Student Manager

John Eric Quiambao Rueca – Physical Therapist

Aris Ramos Pronce – Utility / Ball Boy

Joel Palmiano Rapa @Boy – Utility / Ball Boy

Samantala, nilinaw naman ni Sec. Remulla na hindi totoong pinagamit ng “weights” ang Ateneo players sa paglangoy sa dagat, taliwas sa mga naunang kumalat na impormasyon sa social media.