Inanunsyo ng Department of Education (DepEd) - Region VIII ang patuloy na pagbuti ng lagay ng isa sa mga mag-aaral ng San Jose National High School, Tacloban City, Leyte, na nagkritikal matapos matamaan ng bala mula sa insidente ng pamamaril dito noong Lunes, Hunyo 22.
MAKI-BALITA: ALAMIN: Ilang detalye sa likod ng kauna-unahang school shootout sa Tacloban City
Sa pahayag ng DepEd - Region VIII nitong Biyernes, Hunyo 26, binanggit na sa patuloy na recovery ng mag-aaral, binabantayan pa rin sa Intensive Care Unit (ICU) ng Tacloban ACE Medical Center ang natamo niyang gunshot wound sa leeg.
Samantala, ipinahatid ng DepEd - Region VIII ang kanilang taos-pusong pasasalamat sa mga doctor, nurse, at buong medical staff ng Tacloban ACE Medical Center sa pag-aalaga sa mag-aaral.
“DepEd Regional Office VIII extends its heartfelt gratitude to the doctors, nurses, and the entire medical staff of Tacloban ACE Medical Center for their unwavering commitment, expertise, and compassionate care. Your dedication has been instrumental in the learner's recovery and has provided hope and reassurance to the learner's family and the entire DepEd community,” pagkilala ng DepEd - Region VIII.
Lalaking umiihi sa gilid, naipit sa pagitan ng 2 container van!
Gayundin sa mga indibidwal, kanilang partner agencies, organizations, at mga miyembro ng komunidad na patuloy na nag-aalay ng kanilang dasal at suporta sa mga nabiktima at pamilya ng mga ito.
“The Department also expresses its sincere appreciation to all individuals, partner agencies, organizations, and members of the community who continue to offer prayers, encouragement, and support to the victims and their families. Your kindness and solidarity remind us that healing is a shared journey,” dagdag pa ng ahensya.
Sa patuloy na paggaling ng mag-aaral, hiling ng DepEd sa publiko ang patuloy na pagdarasal para sa kaniyang tuloy-tuloy na paglakas sa mga susunod pang araw.
