Sen. Go sa umano’y ICC warrant: ‘Ipinagpapasa-Diyos ko na lamang po ang lahat’-Balita

Sen. Go sa umano’y ICC warrant: ‘Ipinagpapasa-Diyos ko na lamang po ang lahat’

By Vincent Gutierrez

June 18, 2026

Tahasang ipinahayag ni Sen. Bong Go na ipinagpapasa-Diyos niya na lamang daw ang lahat ng nangyayari, matapos umugong ang umano’y warrant of arrest ng International Criminal Court (ICC) laban sa kaniya hinggil sa war on drugs ni dating Pangulong Rodrigo Duterte.

Sa isang pahayag na ibinahagi ni Sen. Go nitong Huwebes, Hunyo 18, idiniin niya ring wala umano siyang nilabag na anumang batas—sa tao man o sa Diyos.

“Ipinagpapasa Diyos ko na lamang po ang lahat. Buong buhay ko, wala po akong nilabag na anumang batas ng tao o batas ng Diyos,” saad ni Sen. Go.

Aniya, “Police matters have never been part of my mandate. I hope and pray na hindi mapupulitika ang issue hinggil sa sinasabing ICC warrant daw laban sa akin.”

Giit pa ng mambabatas, ipagpapatuloy niya ang pagtatrabaho, at hindi umano niya sasayangin ang tiwala ng taumbayan sa kaniya.

“Umasa po kayo na patuloy lang ako sa aking pagseserbisyo, dahil 'yan ang kailangan ngayon ng ating kapwa Pilipino,” anang mambabatas.

“Hindi ko sasayangin ang tiwalang ibinigay sa akin ng 27 milyong Pilipino,” pagtatapos ni Sen. Go.

Sa kaugnay na ulat, matatandaang isiniwalat ni Davao 1st District Rep. Paolo “Pulong” Duterte na may isa umanong mapagkakatiwalaang source siyang nagsabi na may warrant of arrest na raw na inisyu ang ICC laban sa senador.

“A highly reliable source informed me that ICC arrest warrants against Senator Bong Go and two former police officers have already been issued,” ani Rep. Pulong sa kaniyang Facebook post noong Miyerkules, Hunyo 17.

Buwelta naman ni dating senador Antonio “Sonny” Trillanes IV, huwag daw paniwalaan ang sinasabi ng kongresista.

“Wag kayo magpapaniwala dyan kay Pulong. Wala pang ICC warrant na lumabas para kanino man. Kung may lalabas man later on, siguradong di nya malalaman yan gaya nung di nalaman ng tatay nya na may warrant na sya,” saad ni Trillanes sa kaniya ring Facebook post nito namang Huwebes, Hunyo 18.

MAKI-BALITA: Trillanes sa ICC arrest warrant vs Sen. Go: 'Wag kayong magpapaniwala d'yan kay Pulong!'-Balita

Samantala, wala pang kumpirmasyong inilalabas ang ICC kaugnay sa usaping ito.

2 PH Navy na pinukpok sa ulo ng CCG, makatatanggap ng tig-₱100k!

Inanunsyo ng Malacañang na pagkakalooban ng tig-₱100,000 na tulong pinansyal ang dalawang miyembro ng Philippine Navy na nasugatan sa naganap na insidente sa Ayungin Shoal. Ayon sa Palasyo, ang ayuda ay bilang pagkilala sa sakripisyo at serbisyo ng dalawang Navy personnel na nasaktan habang ginagampanan ang kanilang tungkulin sa pinag-aagawang bahagi ng West Philippine Sea. Hindi pa naglabas ng...

Atty. Taran ng KWF, panatag sa epekto ng AI data centers sa mga katutubong wika

Inihayag sa publiko ni Punong Komisyoner ng KWF Atty. Marites Barrios-Taran na hindi raw dapat mag-alala ang publiko banta ng paglaganap ng mga Aritificial Intelligence (AI) data centers sa kalikasan sa bansa at magiging epekto nito sa pananatili ng katutubong wika. Partikular dito ang tinatawag na “Pax Silica,” na ayon sa United States (US) Department of Stete ay isang para sa artificial...

'Kiyapo,' lalakas bilang tropical storm; signal no. 1, nakataas na!

Inaasahang lalakas bilang tropical storm ang tropical depression 'Kiyapo' habang papalapit sa Babuyan Islands, ayon sa Philippine Atmospheric, Geophysical and Astronomical Services Administration (PAGASA) nitong hapon ng Huwebes, Hulyo 23, 2026. Base sa tropical cyclone bulletin ng PAGASA, huling namataan ang bagyo sa layong 640 kilometers East of Tuguegarao City, Cagayan. Taglay ang...