Mariing iginiit ni Ilocos Norte 1st District Representative at House Majority Leader Ferdinand Alexander “Sandro” Marcos na ang pagiging “level-headed” umano ni newly-elected Senate President (SP) Sherwin Gatchalian ang kailangan sa kasalukuyang political climate ng bansa.

Kasunod ito ng opisyal na pagbakante ni Sen. Alan Peter Cayetano sa naturang puwesto nitong Miyerkules, Hunyo 17—dahilan upang maluklok si Gatchalian bilang bagong Pangulo ng Senado.

KAUGNAY NA BALITA: Matapos bitawan pagka-SP: Sen. Alan, 'honored' pa rin maging 'PS!'-Balita

Sa pakikipanayam ni Rep. Sandro sa media nito ring Miyerkules, Hunyo 17, binati niya si Gatchalian sa bago nitong posisyon.

Ipinagdiinan niya rin ang karanasan niya nang makatrabaho niya ito bilang isang kongresista.

“I guess, on behalf of the House, we would like to congratulate Senate President Sherwin Gatchalian,” saad ni Rep. Sandro.

Aniya, “We look forward to working with him. I have worked with him during my time as a congressman; and I know how level-headed and how level-headed he can be.”

“So, I think that’s exactly what this current political climate needs especially there in the Senate, level-headedness and you know, just the need for all of us to really get back to work,” giit pa ng kongresista.

Matatandaang si SP Gatchalian ang ikalimang naging Senate President sa ilalim ng administrasyon ni Pangulong Ferdinand “Bongbong” Marcos, Jr.

Sinundan niya ang naunang apat na sina Sen. Migz Zubiri, Sen. Chiz Escudero, Sen. Tito Sotto, at Sen. Cayetano.