Nag-abiso sa publiko ang Department of Environment and Natural Resources (DENR) Region 12 hinggil sa naganap na coastal uplift sa baybayin ng Glan, Sarangani kamakailan, kasunod ng naganap na magnitude 7.8 na lindol sa lalawigan at sa karatig-probinsya nito noong Lunes, Hunyo 8.

Matatandaang inanunsyo na rin kamakailan ng DENR Soccsksargen na ikinasa na ng PENRO Sarangani ang isang ground validation kaugnay dito.

MAKI-BALITA: Coastal uplift matapos ang Sarangani earthquake, iniimbestigahan na!-Balita

Sa isang abisong ibinaba ng DENR Region 12 nitong Martes, Hunyo 16, mariin nilang binalaan ang publiko patungkol sa pagpunta sa mga lugar na pinangyarihan ng coastal uplift; gayundin ang paghawak sa mga marine organisms na stranded dahil dito.

“As experts conduct an ongoing scientific investigation and assessment, the Department of Environment and Natural Resources (DENR) Region XII strongly advises the public, especially residents in the coastal areas of Glan, Sarangani Province, to strictly adhere to the following safety protocols: stay clear of shifted shorelines and areas experiencing sudden coastal uplift; do not handle stranded marine life, as they pose severe biological hazards,” paalala ng DENR Soccsksargen.

Ibinahagi rin nila kung paano nga ba ang tamang pag-uulat sa awtoridad kaugnay sa nasabing insidente.

“Immediately send reports of extreme ground shifts, severe environmental changes, or stranded marine wildlife to the Protected Area Management Office (PAMO) - Sarangani Bay Protected Seascape (SBPS) Hotline Numbers: Smart: 0909-618-9917; Globe: 0995-305-0306,” anila.

“When sending a report, please provide your exact location and a brief description of the hazard. Do not put yourself in danger to take photos or videos,” pagtatapos nila.

Batay sa paliwanag ng departamento, ang coastal uplift ay tumutukoy sa “vertical rise” ng baybayin bunsod ng malakas na lindol o “tectonic shifts.”

Dahil sa coastal uplift, maaaring ma-expose ang ilang marine habitats at “submerged coral reefs.”