Nag-react at nagkomento ang comedy actress na si Kim Molina tungkol sa pagmumura at pagbabanta ng isang netizen sa mister niyang si Jerald Napoles, dahil sa pagbida ng huli sa pelikulang "Love, Ngo."
Ibinahagi ng aktor at komedyante sa social media ang screenshot ng isang pribadong mensahe mula sa isang basher na naglalaman ng pagmumura at pagbabanta laban sa kaniya.
Nagagamit ang nabanggit na netizen dahil sa pagganap ni Jerald bilang ngongo, sa pelikulang idinerehe ni Direk Darryl Yap, sa ilalim ng Viva Films.
"taena ka wag ka nga mag movie movie ng ngo² taena mo makita lang kita grigripu-han kita," mababasa sa mensahe ng netizen kay Jerald, sa pamamagitan ng Messenger.
Ang salitang "grigripuhan" ay isang kolokyal na termino na karaniwang tumutukoy sa pananaksak gamit ang matulis na bagay.
Bianca Manalo, proud at may pa-congrats sa ex-jowang si SP Win: 'The country needs you!'
Sa kabila ng mabigat at nakababahalang mensahe, pinili ni Jerald na sagutin ito sa isang mahinahon at magalang na paraan.
Sa kaniyang reply, sinabi niya, "Hi! Thank you for reaching out. Let me try to get back to you as soon as I can."
Dahil sa kalmadong tugon, maraming netizens ang nagpahayag ng paghanga sa paraan ng paghawak ni Jerald sa sitwasyon sa halip na patulan ang galit at pagbabanta ng nagpadala ng mensahe.
Nagbigay rin ng reaksiyon ang fiancée ni Jerald na si actress-comedian Kim Molina, na nagpahayag ng pagkabahala sa mga ganitong uri ng mensahe sa social media.
"Messages like this are alarming and should never be normalized. Criticism is one thing, but threatening physical harm is another," ani Kim.
Dagdag pa niya, hindi dapat gawing biro o balewalain ang mga pahayag na may kasamang banta ng pananakit.
"Laugh emojis and 'funny' comments may sound playful, but let's keep discussions respectful and remember that behind every screen is a real person," dagdag niya.
Photo courtesy: Screenshot from Kim Molina (FB)
Nanawagan si Kim sa publiko na panatilihing maayos at magalang ang komunikasyon ng bawat isa sa online at iwasan ang paggamit ng mga salitang maaaring magdulot ng takot o panganib sa iba.
Samantala, umani ng suporta mula sa mga tagahanga at kapwa artista sina Jerald at Kim, kung saan marami ang nagsabing hindi dapat gawing normal ang pagbabanta at pananakot sa social media, anuman ang dahilan o opinyong pinanggagalingan nito.
May mga humikayat din kay Jerald na sampahan ng reklamo sa National Bureau of Investigation (NBI) ang nabanggit na pagbabanta, at sampolan ang nabanggit na basher.
"Gigripuhan? Tubero ka, ser?"
"Sampolan n'yo, kasuhan n'yo haha."
"Grave threat?"
"Kim Molina, file a legal case ma'am. this is a point of concern."
"Pwede po siyang kasuhan. Kahit minor siya need pa rin ng actions laban sa ganiyan."
Samantala, as of this writing, hindi pa naglalabas ng updates sina Jerald at Kim kung kakasuhan o sasampahan ba nila ng reklamo ang nabanggit na netizen.
Maki-Balita: Jerald Napoles minura, pinagbantaang grigripuhan dahil sa pelikulang 'Love, Ngo'
