Pangil ng Tulfo? Sen. Erwin bibitbitin, palalayasin si SP Alan sa Blue Ribbon hearing!’-Balita

Pangil ng Tulfo? Sen. Erwin bibitbitin, palalayasin si SP Alan sa Blue Ribbon hearing!’

By Mc Vincent Mirabuna

June 06, 2026

Mariing nagbabala si Senate Blue Ribbon Committee chairman Sen. Erwin Tulfo kay Senate President Alan Peter Cayetano na personal niya raw bibitbitin ang huli palabas ng session hall kapag muli itong nagsagawa ng SBRC hearing.

Matatandaang itinuloy nina Cayetano, Sen. Pia Cayetano, at Sen. Rodante Marcoleta ang itinakda nilang pagdinig ng SBRC noong Huwebes, Hunyo 4, 2026, kung saan dumalo bilang resource person sina Atty. Levito Baligod at ang 18 ex-Marines.

Sa naging pahayag naman ni Tulfo sa panayam sa kaniya ng isang TV station noong Biyernes, Hunyo 5, idiniin niyang hindi na raw siya papayag na magsagawa ulit ng “pekeng” pagdinig sa SBRC at ipapaaresto niya raw si Cayetano.

“Hindi na po ako papayag na maghe-hearing-hearing-ngan kayo diyan at I will have you arrested,” pagsisimula niya.

Diin pa niya, “I promise.”

Ani Tulfo, huwag daw siyang subukan ni Cayetano dahil tila wala siyang pakialam kahit gaano na katagal ang una sa Senado.

“Kahit na senador ka, kahit na sinasabi mong matanda ka na, ilang taon ka na sa Senado, try me,” aniya.

Hamon ni Tulfo, subukan daw magsagawa ulit ng pagdinig ni Cayetano sa SBRC at ipapahuli niya raw ito kahit tumayo pa itong House Speaker noon at tumatayo bilang Senate President ngayon.

“Magpa-hearing ka ng Blue Ribbon ulit. Magpa-hearing ka. I don’t care kung dati kang Senate President, dati ang Speaker of the House, I don’t give up. Talagang ipapahuli kita,” buwelta niya.

Pagpapatuloy ni Tulfo, kung ayaw raw ni Cayetano na mapaaresto, bibitbitin niya raw ito palabas ng sessino hall ng SBRC dahil siya raw ang lehitimo o tunay na chairperson ng naturang Komite.

“Kung hindi ipapahuli… bibitbitin kita, kukuwelyuhan kita, palalayasin kita sa floor na ‘yan. Because I am the legitimate Blue Ribbon chairman,” pagtatapos pa niya.

Samantala, habang sinusulat ito, wala pa namang inilalabas na pahayag, tugon, o reaksyon si Cayetano kaugnay rito.

KAUGNAY NA BALITA: 'Hindi hearing 'yon kundi gathering!' Sen. Win, bumuwelta sa BRC ng Cayetano faction!

Mangga at peluka, sokpa sa maletang dala ni Rep. Terry Ridon!

Ibinida sa publiko ni Bicol Saro Party-list Rep. Terry Ridon ang laman na mga mangga at peluka ng inilabas niyang maleta para tuligsain ang mga alegasyong binabato laban sa kaniya. Isa si Ridon sa mga pinangalanan ng 18 ex-Marines sa kanilang joint affidavit na nadalahan umano nila ng male-maletang naglalaman ng milyon-milyon salapi sa isinagawang pagdinig ng Senate Blue Ribbon Committee sa...

Nag-iisang examinee ng CPA Special Professional Licensure Examination, 'di nakapasa!

Inanunsyo ng Professional Regulation Commission (PRC) na walang nakapasa sa nag-iisang examinee na kumuha ng Certified Public Accountants Special Professional Licensure Examination (CPA-SPLE) na isinagawa sa Taipei, Taiwan noong Mayo 2026. Batay sa inilabas na resulta noong Hunyo 4, 2026, nakapagtala ang pagsusulit ng zero passing rate matapos mabigong makapasa ang tanging aplikanteng kumuha ng...

'The PH must rejoin!' De Lima, umapelang magbalik-loob Pinas sa ICC

Naghain ng resolusyon sa Kamara si Mamamayang Liberal (ML) Partylist Rep. Leila de Lima kaugnay sa hangarin niyang muling maging miyembro ng International Criminal Court (ICC) ang Pilipinas. Matatandaang opisyal na binuwag ng Pilipinas ang pagiging miyembro nito sa ICC noong Marso 17, 2019, eksaktong isang taong ang nakalipas nang sumulat si dating Pangulong Rodrigo Duterte tungkol sa pagkalas...