'I categorically deny!' Trillanes pumalag sa 18 ex-Marines, kakasuhan ulit-Balita

'I categorically deny!' Trillanes pumalag sa 18 ex-Marines, kakasuhan ulit

Mariing pinabulaanan ni dating senador Antonio "Sonny" Trillanes IV ang mga alegasyong nakatanggap umano siya ng mga male-maletang pera para lamang makipag-ugnayan sa ilang mga tauhan ng International Criminal Court (ICC) upang makapagsagawa ng imbestigasyon sa bansa, para maisulong ang kasong "crimes against humanity" kay dating Pangulong Rodrigo Duterte.

Sa isinagawang Senate Blue Ribbon Committee sa pangunguna ni Senate President Alan Peter Cayetano, kasama ang chairman at vice chairman nitong sina Sen. Pia Cayetano at Sen. Rodante Marcoleta, gayundin sina Sen. Imee Marcos at Sen. Robin Padilla, nabanggit ang pangalan ni Trillanes na nakikipagkita raw sa ilang mga dayuhang taga-ICC sa isang hotel, kasama sina dating Ako Bicol party-list Rep. Zaldy Co at Leyte 1st District Rep. at dating House Speaker Martin Romualdez.

Pahayag pa ng ilang mga miyembro ng ex-Marines, nagdala raw sila ng male-maletang pera kay Trillanes kaugnay sa partisipasyon nito para makapunta sa bansa ang mga kinatawan ng ICC para maimbestigahan ang extra judicial killings sa war on drugs ng dating pangulo.

Sa inilabas na opisyal na pahayag sa media, itinanggi ni Trillanes ang mga paratang at iginiit na naglabas na rin ng pahayag ang ICC kaugnay nito. Nagbanta pa si Trillanes na muli niyang kakasuhan ang 18 ex-Marines dahil dito.

"Again, I categorically deny na tumanggap ako ng pera mula kay Zaldy Co para ibigay sa ICC or for any other purpose. The ICC has also made a statement denying they received money from me or any other person in relation to the cases here in the Philippines. Dahil dyan sa inulit na sinabi nila, kakasuhan ko ulit sila," aniya pa.

Photo courtesy: Screenshot from Sonny Trillanes/FB

Matatandaang nauna nang nagsampa ng kaso si Trillanes laban sa 18 ex-Marines dahil sa umano'y pagpapakalat ng mga kasinungalingan laban sa kaniya.

Maki-Balita: Trillanes, kakasuhan 18 ex-marines, Baligod, Defensor, atbp!

Maki-Balita: ‘Di ko kayo titigilan!’ Trillanes muling nagsampa ng kaso vs 18 ex-Marines, Banat By, atbp.

Tag-ulan na! PAGASA, kinumpirma pagsisimula ng rainy season sa bansa

Inanunsyo ng Philippine Atmospheric, Geophysical and Astronomical Services Administration (PAGASA) nitong Huwebes, Hunyo 4, na opisyal nang nagsisimula ang tag-ulan sa bansa. Ayon sa PAGASA, ito raw ay nakabatay sa obserbasyon at pag-aanalisang isinagawa nila sa gitna ng mga pag-ulang may kaugnayan sa Southwest Monsoon o Habagat. “Based on the weather observations and analyses, occasional to...

Sen. Alan may payo kay Sen. Win: 'Wait for your time'

'MASISIRA 'YONG BUONG CAREER NIYA IN THE FUTURE' Nagbigay ng payo si Senador Alan Cayetano kay Senador Win Gatchalian matapos ang pagpapalit ng liderato sa Senado. Matatandaang ginulat nI Senador Chiz Escudero ang Senate plenary hall matapos siyang dumalo sa sesyon noong Miyerkules, Hunyo 3, ilang araw matapos ang hindi pagsipot ng Senate majority bloc sa kanilang plenary...

Sen. Alan, hinamon Tulfo brothers na harapin ang 18-ex Marines!

Sinabi ni Sen. Alan Peter Cayetano na dapat sana ay dumalo sina Sen. Raffy Tulfo at Senador Erwin Tulfo sa pagdinig ng Senate Blue Ribbon Committee na pinamumunuan ng kaniyang grupo kaugnay ng mga alegasyong inilahad ng mga umano'y dating miyembro ng Philippine Marines. Sa pagdinig, pinuna ni Cayetano ang panawagan ng mga Tulfo na humarap ang mga sangkot sa isyu, habang aniya ay hindi naman...