Iniulat ng Bureau of Fire Protection (BFP) Central Luzon nitong Miyerkules ng umaga, Hunyo 3, na umabot na sa 23 ang mga nasawing biktima ng gumuhong gusali sa Brgy. Balibago, Angeles City, Pampanga.
Ayon sa BFP, isinagawa ng unified command ang extrication ng naturang casualty nito lamang 9:12 ng umaga.
Sa parehong operasyon, matagumpay din ang isinagawang extrication sa ika-22 biktima ng pagguho bandang 7:21 ng umaga.
Noon namang Martes ng gabi, Hunyo 2, nahukay ng rescuers ang pinaniniwalang sanggol na biktima rin ng pagguho—na siyang ika-21 casualty ng insidente.
MAKI-BALITA: Sanggol, ika-21 biktima sa gumuhong estruktura sa Pampanga!-Balita
Nagpapatuloy pa rin ang operasyon ng mga awtoridad hanggang sa kasalukuyan.
Matatandaang naganap ang malagim na pagguho ng nasabing building noong Linggo ng madaling-araw, Mayo 24.
!['Di daw namin iniimbestigahan flood control, e, hindi sila [majority] pumipirma!'—Sen. Kiko](https://cdnx.premiumread.com/?url=https://cdn.balita.net.ph/balita/uploads/images/2026/06/03/29013.png&w=350&q=100&f=webp)
