'Hintayin n'yo na lang bukas!' ‘Big fish’ sa Bulacan, kakasuhan sa flood control scam

'Hintayin n'yo na lang bukas!' ‘Big fish’ sa Bulacan, kakasuhan sa flood control scam—Dizon

By Mc Vincent Mirabuna

June 03, 2026

Pinuga sa publiko ni Department of Public Works and Highways (DPWH) Sec. Vince Dizon na nakatakda raw silang maghain ng kaso laban sa isang “malaking isda” mula sa Bulacan sa darating na Huwebes, Hunyo 4, 2026.

Ayon sa naging pahayag ni Dizon sa panayam sa kaniya ng media nitong Miyerkules, Hunyo 3, sinabi niyang tiyak daw na may parating pang mga kasong kaugnay sa maanomalyang flood control projects ng DPWH.

“Meron pang mga padating na kaso,” pagsisimula niya.

Ani Dizon, nakatakda nang magsampa ng kaso ang Office of the Ombudsman sa Regional Trial Court (RTC) ng Malolos, Bulacan kaya raw hintayin na lang ng publiko kung sino ang naturang malaking isda.

“In fact, tomorrow, meron ulit ifa-file sa Bulacan naman. Hintayin n’yo na lang kung sino kasi malaking isda rin ‘yan,” aniya.

“Hintayin n’yo na lang bukas,”pahabol pa niya.

Pagpapatuloy ni Dizon, dapat daw na matuto na ang mga natiklong dahil sa maanomalyang flood control projects dahil hindi raw titigil si Pangulong Ferdinand “Bongbong” Marcos, Jr., hanggang hindi pa raw nakukulong ang mga dapat ipakulong.

“Sana matuto na sila at matakot na sila kasi talagang hindi titigil sa PBBM na ipakulong ‘yong mga dapat ipakulong,” pagtatapos pa niya.

Matatandaang kusang sumuko ni Sen. Jinggoy Estrada sa Philippine National Police-Criminal Investigation and Detection Group (PNP-CIDG) matapos ang kaniyang naging press conference sa Senado noon ding Lunes, Hunyo 1, nang muling maglabas ang Sandiganbayan ng ikalawang warrant of arrest laban kay Estrada kaugnay sa non-bailable case niya sa kinakasangkutan niyang maanomalyang flood control projects.

Noong Biyernes, Mayo 29, naghain ng ₱90,000 piyansa si Estrada para sa graft na isinampa rin sa kaniya ng Ombudsman. Kasunod nito, muli siyang naglabas ng pahayag at nanindigang walang mga tayan ang lahat ng inaakusa laban sa kaniya.

KAUGNAY NA BALITA: ‘I stand my ground!’ Sen. Jinggoy, niligawan daw ng minority bloc kapalit ng pag-abswelto sa kaso

Nasawi sa gumuhong gusali sa Pampanga, pumalo na sa 23!

Iniulat ng Bureau of Fire Protection (BFP) Central Luzon nitong Miyerkules ng umaga, Hunyo 3, na umabot na sa 23 ang mga nasawing biktima ng gumuhong gusali sa Brgy. Balibago, Angeles City, Pampanga. Ayon sa BFP, isinagawa ng unified command ang extrication ng naturang casualty nito lamang 9:12 ng umaga. Sa parehong operasyon, matagumpay din ang isinagawang extrication sa ika-22 biktima ng...

PBBM sa 'di pumapasok na mga senador: 'Get back to work!'

Umapela si Pangulong Ferdinand “Bongbong” Marcos, Jr., sa mga senador na pumasok at dumalo sa kanilang sesyon sa Senado upang gampanan ang kanilang trabaho. Matatandaang dalawang araw noong Lunes, Hunyo 1, at Martes, Hunyo 2, 2026, na hindi dumalo ang mga miyembro ng majority bloc sa sesyon ng Senado matapos arestuhin ng mga awtoridad si Sen. Jinggoy Estrada. Nahaharap si Estrada sa...

‘Being different is okay!’ VP Sara, lumiham kay Kiko Barzaga

Sumulat ng bukas na liham si Vice President Sara Duterte para kay Cavite 4th District Rep. Francisco “Kiko” Barzaga matapos sipain sa Mababang Kapulungan ng Kamara. Sa latest Facebook post ni VP Sara nitong Miyerkules, Hunyo 3, dinamayan niya si Kiko sa pagiging kakaiba nito sa karaniwan. “Ako man ay itinuturing na kakaiba. Ilang beses na akong tinawag na baliw, bobo, at kung anu-ano pa...