Nakiisa si Mamamayang Liberal (ML) Partylist Rep. Leila de Lima para sa pagdiriwang ng National Pride Month ngayong buwan ng Hunyo. 

Ayon sa inilabas na pahayag ni De Lima sa kaniyang Facebook post noong Lunes, Hunyo 1, 2026, idiniin niyang isang selebrasyon ng katapangan, pagkakakilanlan, at pagmamahal ang Pride Month na siya raw nagpapaalala sa naging pagtindig ng mga miyembro ng LGBTQIA+ para makamtan ang pagkakapantay-pantay na pagturing ng lipunan. 

“Pride has always been a celebration of courage, identity, and love. It is also a reminder that the struggle for equality continues, and that every gain in human rights has been made possible by people who chose to speak, organize, resist discrimination, and stand proudly as themselves even in the face of prejudice and exclusion,” pagsisimula niya. 

Ani De Lima, nananatili raw silang nakatuon sa pagsusulong ng pagkakapantay-pantay ng karapatan ng lahat kaya inihahain nila ang SOGIESC Bill (Sexual Orientation, Gender Identity, Expression, and Sex Characteristics) at Right to Care Act o House Bill No. 7068 sa Kamara. 

“We remain committed to advancing measures that promote inclusion and equal rights for all. We have filed the SOGIESC Bill (HB 7069) and the Right to Care Act (HB 7068) in pursuit of greater protection and equality, and we continue to hope for their passage and full, meaningful implementation,” aniya. 

National

Majority bloc, no show: Sigaw ni Sen. Zubiri, 'We're just waiting, we're ready to work!'

Mensahe ni De Lima, mahalaga raw ang lahat ng mga miyembro ng LGBTQIA+ at titindig daw sila para sa pagsusulong ng dignidad at kalayaan para sa lahat.

“Sa lahat ng miyembro ng LGBTQIA+ community: mahalaga kayo. Naririto kami. Kasama ninyo kami sa patuloy na laban para sa pagkakapantay-pantay, dignidad, at kalayaan,” ‘ika niya. 

“Again, Happy Pride, everyone! Keep loving, keep standing proud, and keep moving forward together,” pagtatapos pa niya. 

KAUGNAY NA BALITA: ALAMIN: Mga Pride events na libre at murang puntahan ngayong Pride Month!